Киирии

Киирии

Олунньу 25 күнүгэр национальнай бибилэтиэкэ историческай саалатыгар «Лингвист» диэн документальнай киинэ сүрэхтэниитэ буолан ааста.

 

Киинэ ааптара Алексей Амбросьев, режессер Эдуард Новиков, продюсер Надежда Кузьмина, норуодунай суруйааччы Сэмэн Тумат сэргээччилэри кытта истиҥ-иһирэх көрсүһүү, киинэ тула кэпсэтии тэрийдилэр. Ыалдьыттартан бэйэлэрин санааларын Ф.В. Габышева, К.Г. Башарин, Г.А. Мординова, В.Д. Михайлов уо.д.а. үллэһиннилэр.Үгүстэр “киинэ арыый уһун буолбут, ол эрээри Семен Андреевич олоҕун кэрчиктэрин, айар үлэтин, бэриниилээх тапталын, кини олоҕун салҕааччы кыыһа Елена Семеновна туһунан кэрэхсэбиллээхтик сырдатыллыбыт” диэн сыаналаатылар.

lingvist

lingvist1

З.К. Башарина, ф.н.д., профессор:

- Киинэ уникальнай буолбут: ис хоһооно, тутула, матырыйааллара даҕаны барыта уурбут-туппут курдук Семен Андреевич олоҕун, сыралаах үлэтин, үтүө түмүктэрин чаҕылхайдык көрдөрөр. Ол иһин, маны хас биирдии үөрэнээччи, устудьуон булгуччу көрөрүн ирдиэххэ наада. Мин киинэни иккистээн көрдүм. Чахчы олус табыллан уһуллубут. Маннык таһымнаах документальнай киинэ биһиэхэ өссө уһулла илик диэтэхпинэ сыыспатым буолуо.

Алексей Амбросьев, киинэ ааптара:

- 2015 сылтан саҕалаан кэргэмминиин, Семен Андреевич сиэн балтытыныын Надежда Дмитриевналыын толкуйдаан баран, “Новгородов төрөөбүтэ 125 сылыгар анаан киинэ устуохха наада эбит” диэн санааҕа кэлбиппит. Олус улахан, сыралаах үлэ буолла. Устуубутугар, командировкаларга, үбүлээһиҥҥэ улахан көмөнү Чурапчытааҕы С.К. Макаров аатынан гимназия директора Ю.П. Посельскай оҥордо. Матырыйаал хомуйуутугар, ону чуолкайдыырга С.А. Попов-Сэмэн Тумат көмөлөстө. Чурапчы улууһун баһылыгар А.Т. Ноговицыҥҥа улахан махталбытын тиэрдэбит. Маны тэҥэ «Семен Новгородов: путь первопроходца» диэн кинигэм сүрэхтэннэ. Киинэбитинэн аны күһүн атырдьах ыйыгар Надежда Дмитриевналыын Баку куоракка үбүлүөйдээх тэрээһиҥҥэ көрдөрүөхпүт.

Анна Аманатова, ХИФУ устудьуона

Тарҕат:

Ырытыыгын суруй

Защитный код
Обновить

Бүтэһик сонуннар