Киирии

Киирии

Эбээн Бытантай улууһун Саккырыырыгар Татьяна Жиркова аан бастакы эбээн тылынан караокены сүрэхтээтэ.

 

Караоке “Мявун икэлни” диэн ааттаах, тылбаастаатахха “Сүрэхтэн кутуллар ырыалар” диэн буолар. Аныгылыы көрүүлээх, элбэҕи эрэннэрэр эбээн тылын учуутала төрөөбүт тылын эндэппэккэ билэр, улуустааҕы оҕону сайыннарар киҥҥэ “Нелтен” диэн куукула тыйаатырын куруһуогун үлэлэтэр.

Татьяна Жиркова эбээн тылын, култууратын үөрэтиигэ бэйэтэ оҥорбут “Бинилэй икэникэн” диэн авторскай бырагырааматынан үлэлиир. Бу бырагырааматын чэрчитинэн аан бастакы эбээннии караокены оҥорор санаа киирбит. Педагог этэринэн, оҕо интэриэһин, баҕатын тардарга аныгылыы тэрили, көмпүүтэри туһанар тоҕоостоох. Муусканан доҕуһуолламмыт хоһоону оҕо түргэнник ылынар, ыллыы-ыллыы тылы долоҕойго тутар быдан судургу буолар. Инньэ гынан, караоке эбээн тылын үөрэтиигэ сүҥкэн суолталаах. Татьяна Жиркова куукула тыйаатырын куруһуогар биллэр мультиктары эбэннии саҥардан үөрэтэр, инньэ гынан оҕолор түргэник ылыналлар эбит.

Басткы эбээннии караоке хомуурунньугар билиҥҥитэ алта ырыа киирбит – «Нямсидук», «Стадо асатканни», «Иманаддан», «Нэнэддэм», «Мут нян икэгэр икэлбур», «Хеде». Бу барыта Татьяна Анатольевна аҕата Анатолий Платонович Степаов айбыт ырыалара. Талааннаах учуутал кэнэҕэһин кэҥэтиэн, тупсарыан баҕарар. Ол гынан баран билиҥҥитэ үп-харчы кыаллыбат.

Тарҕат:

Комментарии

Защитный код Обновить