Киирии

Киирии

Сочи куоракка “Российский театр — XXI век. Новый взгляд” диэн бөдөҥ театральнай форум буола турар. Бу тыйаатыр сылыгар ыытыллар бастакы улахан тэрээһин. Ол туһунан “Парламентская газета” хаһыакка суруллар.

“Форумҥа хас да мунньах, консилиум буолуоҕа. Манна Соҕуруу федеральнай уокуруктан идэтийбит дьон мустуохтара. Култуура туһунан сокуоҥҥа саҥардыыны киллэрэр тустаахпыт. Бу судургута суох сорук буолар. Ону таһынан, 2030 сылга диэри театральнай эйгэни сайыннарыы стратегиятын оҥоруохтаахпыт”, – диэн РФ театральнай деятеллэрин сойууһун бэрэссэдээтэлэ Александр Калягин эттэ.

Кулун тутар 10-14 күннэригэр ыытыллар форумҥа култуура уорганнарын уонна Соҕуруу федеральнай уокурук тыйаатырдарын салайааччыларын   мунньаҕа буолар. Манна дойду бэрэсидьиэнин сүбэһитэ Владимир Толстой кыттыыны ылыа. Арассыыйа сокуонугар тыйаатыр миэстэтэ, “Култуура” национальнай бырайыак, айар үлэһиттэри быраап уонна социальнай өттүнэн көмүскээһин уо.д.а. боппуруостары дьүүллэһиэхтэрэ.

Тыйаатырдар салайааччыларыгар, грим оҥорор худуоһунньуктарга, көстүүмнэри тигэр иистэнньэҥнэргэ аналлаах семинардар буолуохтара.

Тарҕат:

Комментарии

Защитный код Обновить