Войти

Войти

Майаҕа Д.Ф.Ходулов аатынан култуура киинин тутуута саҕаламмытын бэлиэтиир үөрүүлээх тэрээһин буолан ааста. Тутууну ыытар Мэҥэ туту тэрилтэ күүстээх үлэтин дьон-сэргэ тоҕуоруһа мустан уруйдаатылар.

Кырдьаҕас Майаҕа дьон-сэргэ тоҕуоруһа мустан ааспыт Манчаары аатынан киинэ-тыйаатырын оннугар кэлэн турабыт. Саҥа тутуллуохтаах дьиэбит саамай көстүүлээх, тупсаҕай оҥоһуулаах, хаачыстыбалаах тутуу буолуо диэн эрэнэбит”, – диэтэ оройуон баһылыга Николай Старостин.

Алгысчыт Петр Тихонов аал уоту оттон тутааччыларга анаан тутуу ситиһиилээхтик түмүктэнэригэр алгыс тыллары анаата. СӨ Үпкэ миниистирэ Валерий Жондоров саҥа тутуу нэһилиэнньэ көҕүлээһининэн, туруорсуутунан саҕаланан, Ил Дархан өйөбүлүн ылан, үтүө түмүктэнэн эрэриттэн өрөспүүбүлүкэ салалтатын аатыттан олохтоохтору эҕэрдэлээтэ.

Саҥа таас тутууну сүрүннүүр “Мэҥэ туту” биригээдэтигэр 1967 с. билиҥҥи тыйаатыр мас дьиэтин тутуу биригээдэтигэр үлэлээбит СӨ үтүөлээх тутааччыта Николай Докторов уола Святослав Николаевич баар. Тэрилтэни кини уола Николай Святославович салайар. Онон Докторовтар оройуон, чуолаан култуура сайдыытыгар киллэрсэр кылааттарын бэлиэтээн, Майа сэлиэнньэтин баһылыга Дмитрий Тихонов тыл эттэ.

 Марфа Птицына, ulusmedia

Тарҕат:

Комментарии

Защитный код Обновить