Киирии

Киирии

Муус устар 19 күнүгэр Бүтүн Арассыыйатааҕы “Бибилэтиэкэҕэ биир түүн” диэн үгэскэ киирбит тэрээһин чэрчитинэн “Айар-суруйар эмчиттэр” диэн сонун көрсүһүү-кэпсэтии буолуоҕа.

Тэрээһини СӨ Национальнай бибилэтиэкэтэ уонна “Күрүлгэн” уус-уран сурунаал кыттыһан ыыталлар. Манна диэн санатан эттэххэ, иллэрээ сыллаахха “Юрист суруйааччылар” диэн бэрт сэргэх тэрээһин ыытыллан турар.

Бу да сырыыга олус көхтөөх көрсүһүү-кэпсэтии буолар чинчилээх. Ол курдук, кыттыыны ыларга сөбүлэспит эмчиттэр ортолоругар суруйааччы тэрилтэлэрин чилиэннэрэ алта киһи баар. Сорохтор, суруйааччы тэрилтэтигэр киирбэтэллэр даҕаны, хастыы даҕаны уус-уран кинигэлээхтэр, хаһыакка-сурунаалга элбэхтэ бэчээттэнэллэр. Аны туран, медицина билимин үс дуоктара уонна икки кандидата кытталлара күүтүллэр.

Кинилэр кимнээхтэрин билиэн-көрүөн, кинилэр тылларын-өстөрүн истиэн баҕалаах дьону туһааннаах күн киэһэ 6 чааска СӨ Национальнай бибилэтиэкэтин былыргы дьиэтигэр ыҥырабыт.

Тэрийэр бөлөх.

Тарҕат:

Комментарии

Защитный код Обновить

Бүтэһик сонуннар