Киирии

Киирии

Муус устар 7 күнүгэр Өксөкүлээх Өлөксөй аатынан Норуоттар Доҕордоһууларын Дьиэтигэр саха норуодунай артыыһын Раиса Захарова 65 сааһыгар аналлаах иһирэх тэрээһин бэрт таһаарыылаахтык буолан ааста.

   Сыанаҕа Раиса Михайловна бииргэ ыллаабыт-туойбут, алтыспыт доҕотторо, кини чугас аймахтара, бииргэ үлэлээбит оркестра бары бааллар. Кини сүдү талааныгар сүгүрүйээччилэр саала иһигэр толору мустубуттар. Киэһэни Раиса чугас доҕотторо Альбина Тарабукина уонна Георгий Белоусов салайан ыыппыттара ордук истиҥ буолла.

ber3

   Бу күн Раиса бииргэ төрөөбүт балта Розалия Михайловна Семенова эдьиийин 65 сааһын көрсө таһаарбыт бэртээхэй кинигэтин сүрэхтээтибит. Кинигэни биһиги биир дойдулаахпыт, Арассыыйа Суруналыыстарын Сойууһун чилиэнэ Людмила Егоровна Слепцова эрэдээксийэлээбит, Үҥкүү театрын үлэһитэ Валентина Афанасьевна Яковлева уонна быраата Михаил Михайлович Егоров көмөлөспүттэр.Мин ордук Михаил биһиги дьоллоох оҕо сааспыт ааспыт, таптыыр сайылыкпыт "Хаар балаҕан "туһунан суруйбутун наһаа чугастык ылынным,сөбүлээн аахтым. Улаатан баран биһиги Раялыын онно хаста да бара сылдьыбыппыт, сайылыкпыт төһө да быраҕыллыбытын  иһин биһиэхэ олус күндү !

   Мин ити истиҥ көрсүһүүгэ дьүөгэбин үйэтитэргэ аналлаах бырайыакпын кэпсээтим: бу Норуоттар Доҕордоһууларын Дьиэтин аттыгар баар Карл Маркс аатынан скверга бу олохтон барбыт улуу ырыаһыттарбытыгар анаммыт , кинилэр сырдык аатарынан Тус ыскамыайкалары туруоруоҕуҥ,олор аттыларыгар сибэкки эгэлгэтин үүннэриэҕиҥ, скверы ыраастаан, күрүөлээн-хаһаалаан, хатыҥнарын ыттан-кустан харыстаан,сатанар буоллаҕына скверга "Ырыа ыллыга "диэн эбии ааты биэрэн, сыл аайы ыам ыйыгар буолар Ырыа күнүн ити сквертан саҕалыахха сөп диэн эттим.

   Бу сылларга биһиги таптыыр ырыаһыттарбыт Марина Попова,Ольга Иванова, Анастасия Варламова, Наталья Трапезникова, Марфа Колесова-Расторгуева, Виталий Андросов орто дойду олоҕуттанон букатыннаахтык бардылар. Мин кинилэргэ анаан Раиса Захароваҕа биһиги оҥотторбуппут курдук Тус (именной) ыскамыайканы биир дойдулаахтара, аймахтара туруоруохтарын баҕарабын. Оччоҕо дьон-сэргэ таптыыр ырыаһыттарын көмүс уҥуохтарыгар бара сатаабакка, кини аатынан ыскамыайкаҕа олорон , кэпсэтэн, санаан-ахтан ааһыа этилэр.

ber1

Мин бу идеяны Шотландияҕа 2013 сыллаахха бара сылдьан аҕалбытым уонна ол сайын Строительнай уокуругу кытта ыскамыайканы туруорбутум. Билиҥҥэ диэри Үҥкүү театрын үлэһитэ Анатолий Алексеевич Алексеев көрүүтүнэн үчүгэйдик турар, элбэх киһи кэлэн сынньанан барар.

Ол сайын Ырыа күнүн ити сквертан саҕалаабыттара туһугар олус суолталаах этэ.

Мин бу сурукпунан Мэҥэ Хаҥалас , Амма улуустарын дьонун, ити ааттаммыт ырыаһыттар аймахтарын, чугас дьонун ыҥырыахпын баҕарабын. Бэҕэһээ , муус устар 9 күнүгэр Дьокуускай куорат дьаһалтатыгар бырайыагым туһунан сурукпун илдьэн туттарбытым.

ber2

 

Строительнай уокурук саҥа салайааччыта Савва Анатольевич Михайлов, Ил Түмэн дьокутаатаа Елена Христофоровна Голомарева, А.Е.Кулаковскай аатынан Норуоттар Доҕордоһууларын Дьиэтин дириэктэрэ Яна Викторовна Игнатьева миигин өйүүллэрин биллэрбиттэрэ.

Бу бырайыакпын өйүөн баҕалаахтар сиһилии миэхэ 702-746 төл. эрийэн билсэргитин күүтэбин.

Эрэли кытта Арассыыйа уопсай үөрэхтээһинин бочуоттаах үлэһитэ, СӨ үөрэҕириитин туйгуна, Горнай улууһун Ытык олохтооҕо Т.И. Березина

Тарҕат:

Комментарии

Christine
0 Christine 11.04.2019 00:27
side effects of cialis tadalafil http://cialisle.com health effects of cialis.
Ответить

Защитный код Обновить

Бүтэһик сонуннар