Киирии

Киирии

Муус устар 18 күнүгэр СӨ Художественнай түмэлигэр “Иэйэхсит бэлэҕэ” диэн модельер-худуоһунньук, М.К.Аммосов аатынан ХИФУ Педагогика институтун доцена, Арассыыйа худуоһунньуктарын Сойууһун чилиэнэ, СӨ Култууратын үтүөлээх үлэһитэ Августина Филипова анал быыстапкатын үөрүүлээх аһыллыыта буолан ааста.

Тэрээһиҥҥэ “Ил Түмэн” судаарыстыбаннай мунньах бэрэссэдээтэлин солбуйааччы Антонина Григорьева,  хотугу норуоттар кэмитиэттэрин бэрэссэдээтэлэ Елена Голомарева, СӨ судаарыстыбаннай сүбэһитэ Андрей Борисов,  РФ ускуустубатын үтүөлээх деятелэ Зинаида Иванова-Унарова, “Ситим” медиа-бөлөх генеральнай дириэктэрэ, Ил Түмэн дьокутаата Мария Христофорова уо.д.а. кыттыыны ыллылар.  Ону таһынан, Августина Николаевнаны биир дойдулаахтара, доҕотторо, аймахтара эҕэрдэлээтилэр.

14ф Copy

Елена Голомарева саха култууратын тарҕатар сыаллаах  Августина Филиппова пуондатын тэрийиэххэ сөбүн туһунан этии киллэрдэ. Оттон Мария Христофорова Августина Николаевна саҕалаабыт дьыалатынан билигин үгүс киһи үлэлиирин, айарын-тутарын бэлиэтээтэ. Зинаида Иванова-Унарова Августина Филиппова айар үлэтигэр “муода” диэн, тыйаатыр, живопись, литэрэтиирэ ускуустубатыгар курдук уус-уран уобарас буоларын эттэ. Андрей Борисов Августина Николаевна үлэлэрэ кэрэ көстүүлээхтэрин таһынан, дириҥ ис хоһоонноохторун, туспа устуоруйалаахтарын бэлиэтээтэ.

Августина Филиппова 1994 сыллаах “Сарыада”, “Хаарчаана”, “Эллэйада” диэн мадьыаллара элбэх интэриэһинэй кэрчиктэртэн турар. Бу дизайнҥа сонуну киллэрбитэ.

1996 сыллаах “Мифы Якутии” кэллиэксийэтэ – бу ураты уобарастар. Манна илии үлэтэ элбэх: быысапка, оҕуруонан, кыбытан уонна түүлээҕинэн тигии. Оттон 2003 сыллаах “Алмазы Якутии” кэллиэксийэтигэр аҕыйах ахсааннаах норуоттар таҥастарын ураты көстүүтүгэр болҕомтотун уурбута көстөр.

20190418 174203

20190418 174223

20190418 174259

20190418 174243

20190418 174145

20190418 174128

Тарҕат:

Комментарии

Защитный код Обновить

Бүтэһик сонуннар