Муус устар 23 күнүгэр Айталина Адамова аатынан норуоттар икки ардыларынааҕы I куоҥкурус-бэстибээл сабыллыыта буолан ааста.
Дипломаннар: Кодзи Тэрада (Япония), Монголия Опера уонна балет национальнай академическай тыйаатырын солиһа Бат-Эрдэнэ Сосорбарам (Монголия) уонна Далай Жаргалов (Москуба).
III бириэмийэ лауреаттара: Юико Осада (Япония) уонна Абая аатынан Опера уонна балет судаарыстыбаннай тыйаатырын чолиһа Балуан Беркенов (Казахстан).
II бириэмийэ лауреаттара: Суорун Омоллоон аатынан опера уонна балет судаарыстыбаннай тыйаатырын солиһа Екатерина Корякина уонна Монголия Опера уонна балет национальнай академическай тыйаатырын хорун ырыаһыта Эрдэнэ-Очир Мунхтур.
I бириэмийэ лауреаттара: Абая аатынан Опера уонна балет судаарыстыбаннай тыйаатырын чолиһа Надия Наденова (Казахстан) уонна Мариинскай тыйаатыр эдэр ырыаһыттарын академиятын солиһа Минхун Сюй (Китай).
Гран-при хаһаайынынан Монголияттан ырыа уонна үҥкүү Академическай ансаамбылын солиһа Бадрал Чулуунбаатар буолла.
Ону таһынан, “За сценическое обаяние” анал бирииһи Минхун Сюй, “За музыкальность” — Юико Осаде, “За лучшее исполнение народной песни” — Кодзи Тэраде, Дьокуускай куорат анал бирииһин — Бат-Эрдэнэ Сосорбараму ылла.
СӨ култууратын уонна духуобунай сайдыытын миниистирэ Юрий Куприянов Ил Дархан махтал суругун Азербайджан өрөспүүбүлүкэтин норуодунай артыыһыгар, “Трубадур” опера туруорааччы дирижеругар Фахраддин Керимовка, СӨ Бырабыыталыстыбатын грамотатын Лариса Гергиеваҕа, махтал суругун “Трубадур” опера концертмейстерыгар Юлия Керимоваҕа, РФ үтүөлээх артыыһыгар, СӨ норуодунай артыыһыгар Айталина Адамова-Афанасьеваҕа туттарда. Дьүүллүүр сүбэ чилиэннэрэ СӨ култууратын уонна духуобунай сайдыы министиэристибэтин бочуоттаах грамоталарынан наҕараадаланнылар.
