Айыллаана Степанова харахтарынан мөлтөх толорооччу муусукаан оҕолор ортолоругар норуоттар икки ардыларынааҕы бэстибээлгэ дипломант үрдүк аатын ылла.
Бэстибээлгэ дойду 52 эрэгийиэниттэн уонна чугас сытар дойдулартан 230 оҕо кыттыыны ылла. Куоҥкурус түмүгүнэн Айыллаана дипломант буолары ситистэ. Айыллаана кып-кыра сылдьан чуор куолаһынан өрөспүүбүлүкэ олохтоохторун сүрэҕин сүүйбүтэ. Биэс саастааҕар бастакы айар киэһэтин тэрийбиттэрэ. 2015 сыллаахха иккис айар кэнсиэрэ буолбута уонна дискэтэ тахсыбыта. Оттон 2017 сыллаахха “Мин көрөбүн сүрэхпинэн” диэн Рома Винокуровы уонна Мичил Моисеевы кытта уһуллубут клиптэрэ сүрэхтэммитэ. Билигин Айыллаана Өрөспүүбүлүкэтээҕи коррекционнай оскуола-интернакка 7-с кылааска үөрэнэр.
СИА
