Киирии

Киирии

Бүгүн, ыам ыйын 15 күнүгэр Нерюнгри куоракка “Туллук 2019” диэн куукула тыйаатырдарын эрэгийиэннэр икки ардыларынааҕы II бэстибээлэ аһыллар. Биэс күннээх бэстибээлгэ Уһук-Илинтэн үс тыйаатыр кэлэрэ күүтүллэр.

Бэстибээл ыам ыйын 15-19 күннэригэр Нерюнгритааҕы куукула тыйаатыгар ыытыллыа. Манна Чита, Владивосток уонна Братск куораттартан бастыҥ тыйаатырдар кыттыыны ылыахтара. Бастакы бэстибээл 2015 сыллаахха буолбут. Манна араас эрэгийиэннэртэн алта тыйаатыр кыттыбыт. Бэстибээли көҕүлээччинэн Нерюнгритааҕы тыйаатыр дириэктэрэ уонна уус-уран салайааччыта  Петр Скрябин буолар. Бэстибээл бэлиэтэ – туллук чыычаах. Онон кыайыылаахтарга туллук ойуулаах статуэткалар туттарыллыахтара. Кыттааччылары дьүүллүүр сүбэ уонна көрөөччүлэр сыаналыахтара. Бэстибээл чэрчитинэн артыыстарга маастар-кылаастар ыытыллыахтара.

Тарҕат:

Комментарии

Защитный код Обновить