Киирии

Киирии

СӨ бырабыыталыстыбата судаарыстыбаннай бүддьүөттэн субсидиялары “Культура малой родины” федеральнай бырайыак “Местный дом культуры” диэн хайысхатынан, 50 тыһ диэри киһилээх нэһилиэнньэлээх пууннарга култуура дьиэлэрин материальнай-техническэй базаларын бөҕөргөтүүгэ ыытыаҕа. Бу туһунан СӨ бырабыыталыстыбатын пресс-сулууспата иһитиннэрэр.

Өрөспүүбүлүкэ бүддьүөтүттэн көрүллэр субсидия уопсай суумата 2 мөл 330 тыһ солк. Федеральнай бүддьүөтү ааҕан туран уопсай үбүлээһин суумата 29 мөл 130 тыһ солк.

Ол курдук, үбүлээһини ылыахтара: Аллайыахы улууһун “Айтун” Алданнааҕы култуура киинэ, Федот Потапов аатынан Амматааҕы култуура киинэ, Үөһээ Бүлүү улууһун Боотулутааҕы култуура дьиэтэ, Үөһээ Халыма улууһун “Надежда” култуура киинэ, Дьааҥы улууһун Борулаах нэһилиэгин култуура киинэ, Бүлүү улууһун Чочу нэһилиэгин “Үрүҥ уолан” култуура уонна успуорт киинэ, Горнай улууһун Бэрдьигэстээҕи М.С. Егоров аатынан уонна Мытаахтааҕы култуура кииннэрэ, Жиганскай оройуонун Кыстатыам нэһилиэгин “Нулгин” этно-култуурунай киин, Кэбээйи улууһун “Сайдам” норуот айар үлэтин киинэ, Мэҥэ Хаҥалас улууһун Майатааҕы Д.Ф. Ходулов аатынан норуот айар үлэтин дьиэтэ, Индигирдээҕи А.Ф. Шестаков аатынан норуот айар үлэтин киинэ, Нерюнгри оройуонун Чульман бөһүөлэгин “Юность” култуура дьиэтэ, Ньурба улууһун Үөдэй нэһилиэгин “Айылгы” норуот айар үлэтин дьиэтэ, Өймөкөөн улууһун Томтор нэһилиэгин култуура дьиэтэ, Өлүөхүмэ улууһун Үҥкүр нэһилиэгин М.Ф. Габышев аатынан култуура киинэ, Орто Халыма улууһун Хатыҥнаах нэһилиэгин “Алгыс” култуура киинэ, Сунтаар улууһун Күндээдэ нэһилиэгин “Ил” социальнай-култуурунай киинэ, Таатта улууһун Тыараһа нэһилиэгин Л.Н. Турнин аатынан “Алгыс” норуот айар үлэтин дьиэтэ, Томпо оройуонун Томолинай нэһилиэгин “Гарпана” этно-култуурунай киин, Уус Алдан улууһун Бороҕон уонна Бэрт-Ууһа нэһилиэгин “Айылгы” сынньанар кииннэрэ, Депутатскай бөһүөлэгин “Металлург” култуура дьиэтэ, Хаҥалас улууһун Төхтүр нэһилиэгин “Эркээни” култуура киинэ, Чурапчы улууһун Төлөй нэһилиэгин А.С. Бродников аатынан “Аартык” норуот айар үлэтин дьиэтэ, Эбээн Бытантай улууһун Үөһээ Бытантай нэһилиэгин “Дюбун” этно-култуурунай киин.

News.Ykt.Ru

Тарҕат:

Комментарии

Защитный код Обновить