Киирии

Киирии

Мииринэй куорат суруйааччыта Петр Игнатьев нарыламмыт дьүрүскэннээх тойуксут, кыладыйар тыллаах сэhэнньит, айымньылаахтык аhыллан амалыйар алгысчыт быhыытынан биллэрэ.

Кини 1998 сыллаахха айбыт “Кулан Кыыртай бухатыыр” олоҥхото билигин саха норуотун уус-уран дьүhүйүүтүн “сүмэтинэн”, биир дойдулаахтарын киэн туттуутунан буолар. Бэл, оҕо уhуйааннарыгар, оскуолаларга “Кулан Кыыртай бухатыыр” олоҥхону туруорар буолбуттар.

mirnyolonxo

mirnyolonxo2

Ыам ыйын 25 күнүгэр “Алмаас” култуура дыбарыаһын үктэлигэр, олохтоох сахалар “Кулан Кыыртай бухатыыр” олоҥхону туруордулар. Бу – Мииринэйдээҕи сахалар “Сардаҥа” түмсүүлэрин 25 сылыгар ананна. Олоҥхо биир тыынынан сиэдэрэйдик, киһи уйулҕатын таарыйардыы туруорулунна.

mirnyolonxo10

Сүрүн оруоллары толорбут Федор Петров (Кулан Кыыртай бухатыыр), Василиса Колесова (Кэрэ Куо), Надежда Кан (Удаҕан) көрөөччүлэргэ уобарастарын итэҕэтиилээхтик, дьүһүмэрдик тиэртилэр. Маны сэргэ “Кустук” норуот ансаамбыла, “Иэйии” ырыа-тойук бөлөҕө, эбии үөрэхтээһин Киинин (ЦДОД) оҕолоро олоҥхоҕо кыттан сүрдээҕин киэркэттилэр.

mirnyolonxo5

mirnyolonxo8

“Кулан Кыыртай бухатыыр” олоҥхону көрө бэл омук дьоно кэлбиттэрэ сэргэҕэлэттэ. Ити курдук, сахалыы айымньыга, ураҥҥа, кэрэхси Мииринэйгэ баара үөрдэр. Онон, олоҥхону таптааччыларга, сыаналааччыларга дьоро киэhэ буолан ааста.

mirnyolonxo7

 Станислав Алексеев, Мииринэй куората, ааптар хаартыскалара.      

 

Тарҕат:

Комментарии

Защитный код Обновить

Болҕойуҥ ! Чэпчэтиилээх сурутуу саҕаланна!

kyym podpiska