Войти

Войти

Бэҕэһээ, бэс ыйын 5 күнүгэр, Москуба куоракка ГУМ Көрдөрөр саалатыгар XV төгүлүн ыытыллар эрэгийиэннээҕи уонна кыраайы үөрэтэр литэрэтиирэ “Малая Родина” диэн Бүтүн Арассыыйатааҕы күрэх кыайыылаахтарын бэлиэтиир үөрүүлээх тэрээһинэ ыытылынна.

“Малая Родина” күрэх 2005 сылтан ыла ыытыллар, тэрийээччилэр – Бэчээккэ уонна маассабай коммуникацияҕа федеральнай ааҕыныстыба. Бу сыллар усталарыгар күрэххэ дойду бэчээттиир кыһаларын, чуолаан эрэгийиэннээҕи бэчээттиир тэрилтэлэр киэҥ биһирэбилин ылыан ылла. Быйылгы күрэххэ эрэгийиэннээҕи уонна кыраайы үөрэтиигэ сыһыаннаах литэрэтиирэҕэ 60-тан тахса кинигэ кыһатыттан 300-тэн тахса таһаарыы кытынна. Ол курдук, Москуба, Санкт Петербург, Астрахань, Воронеж, Ижевскай, Казань, Курскай, Аллараа Новгород, Рыбинскай, Рязань, Дьокуускай уо.д.а. куораттар кинигэлэрин кыһалара кытыннылар.

Кыайыылаахтары бэлиэтиир үөрүүлээх тэрээһиҥҥэ биэс анал ааты бэлиэтээтилэр: “Мой край”, “Образ Родины”, “Увлекательное краеведение”, “Люди нашего края”, “Многонациональная Россия”. Маны таһынан, “Подвижник краеведения” диэн С.О. Шмидт аатынан бириэмийэ кыайыылааҕын уонна анал дьупулуомнар хаһаайыннарын ааттаатылар.

bichik

bichik1

Үөрүүлээх тэрээһиҥҥэ Бэчээккэ уонна маассабай коммуникацияҕа Федеральнай ааҕыныстыба кинигэ быыстапкаларын уонна ааҕыыны көҕүлүүр отделын начаалыньыга Александр Воропаев, Росбэчээт периодика бэчээтин, кинигэни таһаарыы уонна полиграфия Управлениетын начаалынньыга Юрий Пуля, Москубатааҕы худуоһунньуктар сойууһун “Кинигэ графиката” секция бэрэссэдээтэлэ Анастасия Архипова, “Арассыыйатааҕы судаарыстыбаннай оҕо бибилэтиэкэтэ” ФГБУК дириэктэрэ Мария Веденяпина, “ГД ММКВЯ” ААУо генеральнай дириэктэрэ Андрей Гельмиза, Москубатааҕы политехэньиичэскэй университет бэчээккэ уонна медиаиндустрияҕа Үрдүкү оскуолатын бэрэпиэссэрэ Борис Ленскэй, “Тылбаас института” АНО программнай дириэктэрэ Нина Литвинец, Арассыыйа кинигэ таһаарааччыларын Ассоциациятын бэрэсидьиэнэ Константин Чеченев, эрэдээктэр, тылбаасчыт, “Год литературы.РФ” интернет-портал шеф-эрэдээктэрэ, литэрэтиирэ кириитигэ Клариса Пульсон кытыннылар.

bichik2

bichik4

Саха сирин “Бичик” национальнай кинигэ кыһата Иннокентий Андросов “Величие и красоты рек Якутии” фотальбомун иһин “Образ Родины” номинацияҕа финалист дьупулуомунан наҕараадаланна.

“Бичиктэри” маннык киэҥ далааһыннаах күрэххэ кыайыыгытынан эҕэрдэлиибит!

Тарҕат:

Добавить комментарий