Киирии

Киирии

Тыйаатыр дириэктэринэн ким буолуоҕай? Бу ыйытык үгүспүтүн долгутар.

Былыр-былыргыттан күн бүгүҥҥэ диэри тыйаатыр ис куукуната, кулиса кэннинээҕи олоҕо: иирсээннэр, этиһиилэр, сурахтар, дойҕохтор дьону интэриэһиргэтэллэрэ саарбаҕа суох.

Аатырбыт Моцарт “Директор театра” операта хайа да кэмҥэ тоҕоостоох сюжетынан салаллар: импресарио (аныгылыы продюсер) саҥа труппатыгар сүүмэрдээһини биллэрэр. Хас биирдии ырыаһыт-күөрэгэй примадонна буолуон баҕарар, оттон ырыаһыт-соловейдар – премьер. Улахан гонорар уонна аатырыы инниттэн кинилэр тугу барытын оҥорорго бэлэмнэр. Тиһэҕэр, доҕордоһуу син биир кыайыылаах тахсар.

Опера устата ыллаан эрэ тахсыбаттар, манна кэпсэтии эмиэ баар, инньэ гынан, хас биирдии көрөөччүгэ өйдөнүмтүө буолуоҕа. Ырыаһыттар бэйэ-бэйэлэрин кытары күрэстэһээри, кыахтарын көрдөрөөрү, баардарын-суохтарын – табыллыбыт арияларын ыллаан илин-кэлин түсүһэллэр. Оттон репетиция кэмигэр сыана кэтэҕэр буолар түгэннэр хас биирдии тыйаатыр кулиса кэннинээҕи олоҕун ырылхайдык кэпсииллэр.

Киһи сылайар курдук уһун-унньуктаах опера буолбакка, бэрт судургу, кылгас, ол эрээри тиһэҕэр диэри дьону долгутар сюжеттаах операҕа чөллөркөй чуор куолас, кырыымпалыы кутуллар доҕуһуол операҕа бастакы сылдьааччылары курдаттыы обуруоҕа!

Режиссер - Светлана Шадрина

Худуоһунньук - Саргылаана Иванова

Дирижер - Николай Пикутскай

Сиһилии билсэр төл.: 36-06-90

Сааһынан хааччах: 12+

Тарҕат:

Комментарии

Защитный код Обновить