Войти

Войти

Бэс ыйын 19 күнэ (12+). Саҕаланар 18 ч.

Чингиз Айтматов “ХААРЫАН ХАМПА КҮӨХ КЫТЫЛЫМ”

xaaryan
 

 Туруорааччы режиссер – Андрей Борисов

Бу испиктээк Саха тыйаатырын саамай табыллыбыт туруоруута, хаүыс да сылын көрөөччү сэҥээриитин ылар. Театральнай ускуустуба эйгэтигэр ССРС судаарыстыбаннай бириэмийэтин ылбыта. Тыйаатыр сыанатыгар 1982 сылтан турар уонна хас сезон ахсын толору сааланы муһар.

Сүрүн оруолларга Роман Дорофеев,  Ефим Степанов, Иннокентий Луковцев, Петр Садовников, Айаал Аммосов, Ильяна Павлова, Таня Легантьева. Массовкаҕа тыйаатыр бары артыыстара кытталлар.

 Бэс ыйын 22 күнэ (12+)
 
“КӨМҮӨЛ”, Баһылай Харысхал

kemyel


Туруораччы-режиссер: Андрей Борисов

Саха судаарыстыбаннаһын туруутугар кылааттарын киллэрсибит Ксенофонтовтар дьиэ кэргэн дьылҕатын көрдөрөр испиктээк.
Оруолларга: Герасим Васильев, Роман Дорофеев, Маргарита Борисова, Руслан Тараховский, Айаал Аммосов, Гаврил Менкяров, Дмитрий Алексеев, Валентин Макаров, Александра Софронеева – Сивцева, Тамара Обутова, Дмитрий Татаринов, Руслан Тараховский уо.д.а.

Бэс ыйын 26 күнэ (12+)
 
“КЭЭРЭКЭЭН ОЙУУН” Былатыан Ойуунускай

kereken


Режиссер – Руслан Тараховскай

Таатта улууһун аатырбыт аҕа ууһун төрүттээччитин туһунан сэһэни Былатыан Ойуунускай 1936 сыллаахха суруйбута. 

Оруолларга: Дьулустаан Семенов, Альберт Алексеев, Семен Алексеев, Геннадий Турантаев, Василий Борисов, Илья Стручков, Иннокентий Дакаяров, Тимофей Сметанин, Жанна Ксенофонтова, Айаал Аммосов, Валентин Макаров, Айсен Лугинов, Роман Дорофеев, Петр Садовников, Ильяна Павлова уо.д.а. 

Бэс ыйын 27 күнэ (12+)
“МАНЧААРЫ” В.В. Күлүмнүүр.

manchary


Режиссер – Руслан Тараховскай.

Бу бастакы драматическай идэтийбит суруйуу. Манчаарыны өссө Өксөкүлээх Өлөксөй бэйэтинэн оонньообута. Айымньыга төрөөбүт дойдуга таптал күүһэ көстөр.

Манчаары оруолун -Павел Ченянов уонна Василий Борисов оонньууллар. Испиктээккэ Саха тыйаатырын артыыстара бары кытталлар.

 Бэс ыйын 28 күнэ (12+)
 
"СААСКЫ КЭМ" Амма Аччыгыйа

saasky


Туруорааччы режиссер – Василий Фомин

Амма Аччыгыйа “Сааскы кэм” арамаанынан суруллубут испиктээк тыйаатыр сыанатыгар аан бастаан 2003 сыллаахха турбута. Манна тыйаатыр труппата бары кытталлар.

Ааҕааччы кутун туппут арамаан тыйаатыр сыанатыгар киэҥ биһирэбили ылбыта. Хас да көлүөнэ артыыс кыттар испиктээгэ көрөөччү биһирэбилин ылыан ылбыта. Испиктээк саха тылын барҕа-баайын, литературнай тыл дьоһунун көрдөрөрүн кириитиктэр бэлиэтээбиттэрэ.

Оруолларга — Дмитрий Михайлов, Иннокентий Луковцев, Ирина Никифорова, Зоя Багынанова, Герасим Васильев,  Домна Уйгурова, Роман Дорофеев, Ньургуйаана Шадрина, Михаил Семенов уо.д.а.
Саҕаланар: 18:00 ч.

Бэс ыйын 30 күнэ (12+)
 
“ТӨЛКӨ” Николай Якутскай.

telke


Режиссер – Руслан Тараховскай.

Николай Золотарев – Якутскай аатырбыт арамаанын режиссер “Сааскы кэм”, “Хара кыталык” кэннэ 3 сыл иитиэхтии сылдьан баран туруорбута.


Оруолларга Ньургуйаана Шадрина, Дмитрий Татаринов, Зоя Багынанова, Михаил Семенов, Иннокентий Дакаяров, Надежда Ушницкая, Лена Сергеева – Румянцева, Ирина Михайлова, Валентин Макаров, Альберт Алексеев, Петр Макаров, Айта Лавернова, Жанна Ксенофонтова уо.д.а.
 

Испиктээктэр бары нууччалыы тылынан синхрон тылбаастаах бараллар.

Билиэттэри тыйаатыр кассатыттан күн ахсын 10-18 ч. атыылаһыахха сөп. Билиэти уурдарыы төл: 34-13-31, 34-27-55, 34-33-26 , онлайн –атыылаһыы саайта: sakhatheatre.ru

Тарҕат:

Комментарии

Защитный код Обновить