Бүгүн, бэс ыйын 18 күнүгэр, С.П.Крашенинников аатынан Камчатка кыраайдааҕы билим бибилэтиэкэтигэр СӨ Электроннай бибилэтиэкэтин ааҕар кыаҕы биэрэр туочуканы арыйар туһунан сөбүлэҥи түһэристилэр. Бу туһунан А.С.Пушкин аатынан Национальнай бибилэтиэкэ иһитиннэрэр.
Сөбүлэҥҥэ СӨ Национальнай бибилэтиэкэтин дириэктэрэ Саргылаана Максимова уонна Камчатка кыраайын билим бибилэтиэкэтин дириэктэрэ Татьяна Дикова илии баттаатылар.
“Биһиги кыраайбыт ураты, социальнай өттүнэн атын эрэгийиэннэргэ дьүөрэтэ суох чопчу усулуобуйалардаахпыт, ол иһигэр нэһилиэнньэ көһөн барыыта улахан. Ол гынан баран, мин куруук ааҕар саала хаһан да кураанах буолуо суохтаах диэн хатылаан этэбин. Ол иһин ити хайысхаҕа раас хабааннаах үлэни тиһигин быспакка ыытабыт. Онно ордук болҕомтону араас информационнай ресурстарга киирэр кыах баар буолуутун хааччыйарга уурабыт”, - диэн Дикова тоһоҕолоото.
Бу сөбүлэҥ чэрчитинэн, Камчаатка кыраайын ааҕааччылара Саха сирин Национальнай бибилэтиэкэтин сыыппараламмыт кинигэлэрэ киирбит Электроннай бибилэтиэктин толору туһанар кыахтаныахтара.
Ыспыраапка:
СӨ НБ Электроннай бибилэтиэкэтэ – Национальнай бибилэтиэкэ сыыппараҕа түһэриллибит пуондатыгар киллэрэр информационнай ситим. Электроннай бибилэтиэкэҕэ күн б;г;н 18 тыһ. тахса докумуон киллэриллибит.
Сэҥээриилэр
сезон 1 серия: https://bit.ly/igra-v-kalmara-2-sezon-1-seriya-2021