Киирии

Киирии

2026 сылга диэри саха киинэтин сайдыытыгар 480 мөл. солк. кэриҥэ үп көрүллүөҕэ. Бу туһунан Ил Дархан туһааннаах уураахха илии баттаабыт. Санаттахха, саха киинэтин сайдыытын туһунан киэҥ ыҥырыылаах кэпсэтии ыам ыйын 27 күнүгэр буолбута.

Ил Дархан саха киинэтин 2026 сылга диэри өйүүр сыаллаах, бырабыыталыстыбаҕа сыл ахсын 80 мөл. солк. көрөр туһунан сорудахтаата. Ити үп авторскай, дебютнай, анимационнай, оҕо киинэтигэр уонна саха литэрэтиирэтин айымньыларыгар олоҕуран уһуллар киинэни устарга көрүөхтэрэ. Маны таһынан, Арассыыйа уонна омук кинемотаграфистарын кытары кыттыгас киинэни устарга туһаныахтара. Маны сэргэ, бу үптэн саха киинэтин аан дойду киинэтин ырыынагар таһаарар үлэҕэ ыытыахтара.

Бу туһунан Ил Дархан уурааҕа бэҕэһээ, от ыйын 2 күнүгэр таҕыста. Саха кинемотаграфиятыгар чопчу үбүлээһини эрэ буолбакка, уураахха бырабыыталыстыба “Саха фильм” тэрилтэҕэ саҥа павильону тутарга үбүлээһини булалларыгар сорудахтаабыт.

Бу уураахха киирбит ыйыылары олоххо киллэрэргэ анаан балаҕан ыйын 27 күнүгэр дылы “СӨ Инновацияны сайыннарыы Пуондата” НКО иһинэн хос пуонданы тэрийэргэ сүбэлэммит.

Тарҕат:

Комментарии

Защитный код Обновить