Киирии

Киирии

Бүгүн, от ыйын 5 күнүгэр Дьокуускай куоракка ЛОРП дьиэтигэр, Арассыыйа биллиилээх хаартыскаҕа түһэрээччи Владимир Антощенков үлэлэрин быыстапката аһылынна.

Владимир Антощенков – ордук архитектураны түһэрэр биир бастыҥ хаартыскаҕа түһэрээччи буолар. Кини архитектор, ленинградскай интеллигенция бэрэстэбиитэлэ.

LenaNeva 1

 

LenaNeva VladimirMyakishev

Үөрүүлээх тэрээһини үлэһиттэри салайыыга генеральнай дириэктэри солбуйааччы Владимир Мякишев арыйда: “Өрүс флотун күнүнэн бырааһынньыктааҕы тэрээһини “Лена-Нева” диэн Владимир Антощенков хаартыскаларын быыстапкатынан арыйарга сананныбыт. Сэтинньи ыйга буолар Өлүөнэ өрүһүнэн суудуналар сылдьыыларын 125 уонна ЛОРП төрүттэммитэ 25 сылыгар анаммыт тэрээһиннэргэ диэри хаартыска быыстапкатын тэрийиэхпит дии саныыбын. Биһиэхэ хаартыскаҕа түһэриинэн дьарыктанар үгүс дьон үлэлиир. Бүгүҥҥү быыстапка ааптара эмиэ кыттыһыа диэммит эрэнэбит”.

LenaNeva 2

Владимир Семенович 1970 сыллартан хаартыскаҕа түһэриинэн дьарыктаммыт. Билигин кини үлэлэрэ ханна да суох, сыаналаах хаартыскалар буолаллар.

LenaNeva MariaHristoforova

Тэрээһиҥҥэ ЛОРП үлэһиттэрэ, уопсастыбанньыктар, уопсастыбаннай сэбиэттэр бэрэстэбиитэллэрэ кыттыыны ыллылар. “Ситим” медиа-бөлөх генеральнай дириэктэрэ, народнай дьокутаат Мария Христофорова эҕэрдэ тылын эттэ: “Ленинград куорат туһунан бастакы альбом ааптарын, биллиилээх хаартыскаҕа түһэрээччи Владимир Антощенков үлэлэрин кытта билсэрбит олус үчүгэй. Билигин кини төһө даҕаны 89 сааһыгар сырыттар, олус элбэх былааннаах, идиэйэлэрдээх. Биһиги кини үлэлэрин быыстапкатын тэрийэрбит туһунан санааны олус истиҥник ылынан, хас да үлэтин бэлэх ыыппыта. Бу хаартыскалар Нева өрүскэ ананаллар. Санкт-Петербург күргэ куората буолар. Бу күннэргэ Ил Дархан Айсен Николаев Өлүөнэ Эбэни туоруур күргэ тутулларын туһунан эппитэ. Онон, бу тэрээһин икки бүк бэлиэ буолар. Айсен Сергеевич быыбар иннинээҕи бырагыраамматыттан биирдэстэрэ буолар. Онон үлэ күүскэ барар.   ЛОРП үлэтэ Саха сиригэр урут-уруккуттан олус наадалаах. Инникитин да оннук буолуо. Бу салаа экономика хайысхатыгар улахан оруоллаах. ЛОРП үлэһиттэрин профессиональнай бырааһынньыккытынан эҕэрдэлиибин! ”.

Тарҕат:

Комментарии

Защитный код Обновить