Бары билэргит курдук эһиил, ол эбэтэр 2020 сылга Олоҥхо Ыһыаҕа Өлүөхүмэ улууһугар буолар.
“Аанньаах хочото” диэн сиргэ 3 тыһ миэстэлээх трибунаны тутуу үлэтэ номнуо саҕаламмыт. Ону таһынан, күнү көрсүү сиэрэ-туома ыытыллар эбийиэгэ тутуллубут уонна 166 саастаах, миэтэрэ курдук кэтиттээх тиит мастан Тойон Сэргэ турбут.
От ыйын 16 күнүгэр Ил Дархан Айсен Николаев 2020-2024 сылларга Олоҥхо Ыһыаҕа ыытыллар улуустарын бигэргэттэ. Ол курдук, 2021 сылга Олоҥхо Ыһыаҕа Өймөкөөҥҥө буолуоҕа. Оттон 2022 сылга – Үөһээ Бүлүүгэ, 2023 сылга — Аммаҕа уонна 2024 сылга Нерюнгри оройуонугар ыытыллара былааннанар.
