Киирии

Киирии

Саха сирин Национальнай бибилэтиэкэтин үлэһиттэрэ соторутааҕыта саҥа тахсан бүппүт, 80 тыһыынчаттан тахса тыллаах Саха тылын быһаарыылаах улахан тылдьытын сыыппараҕа түһэрэн бүтэрдилэр.

“Бу тылдьыт уратыта диэн, манна саха тылын лиэксикэтэ (баайа) барыта киирдэ. Диалектар, фольклорун уратыта бүтүннүү учуоттанна. Ону таһынан, тылдьыт икки тыллаах – сахалыы уонна нууччалыы. Ол аата кини туттуллар эйгэтэ киэҥ буолар”, — диэн элэктэриэн барыйаан сүрэхтэниитигэр Гуманитарнай-чинчийэр институт дириэктэрин эбээһинэһин толорооччу Наталья Попова эттэ.

Санаттахха, 15 туомнаах тылдьыт 46 сыл устата оҥоһулунна. Бүтэһик туома бу саас ыам ыйыгар тахсыбыта. Оттон тылдьыт элэктэриэн барыйаанын СӨ Национальнай бибилэтиэкэтин саайтыгар (https://e.nlrs.ru/open/10769) киирэн эбэтэр ааҕар саалаҕа тиийэн билсиэххитин сөп.

Тарҕат:

Комментарии

Защитный код Обновить