Бу күннэргэ Уфа куораттан үөрүүлээх сонун кэллэ. Ол курдук, эдэр режиссер Любовь Борисова “Мин үрдүбэр күн хаһан да киирбэт” киинэтэ, “Серебряный Акбузат” киинэ бэстибээлигэр Гран-при буолары ситистэ. Киинэ ааптара 1 мөл солк сэртипикээтинэн наҕараадаланна.
Уфа куоракка “Серебряный Акбузат” диэн IV норуоттар икки ардыларынааҕы киинэ бэстибээлэ түмүктэннэ. Саха киинэтэ Гран-при таһынан “Социальнай уонна мотивационнай киинэ” диэн номинацияҕа бастыҥ буолла. Уонна “За лучший игровой полнометражный фильм” диэн бирииһи ылла.
Бу бэстибээлгэ өссө биир саха киинэтэ кытынна. “Тойон кыыл” диэн Эдуард Новиков драмата бастыҥ оператор үлэтэ диэн номинацияҕа бэлиэтэннэ. Бирииһи Семен Аманатов ылла.
Бэстибээл конкурснай бырагыраамматыгар 28 дойдуттан 49 хартыына киирбитэ.
