Войти

Войти

Быйыл “Саха” НКИХ     араадьыйата истээччилэрин үгүс саҥа бырайыактарынан үөрдүөҕэ. Олортон саамай сүрүнэ “Тэтим Араадьыйа” анал сыһыарыыта буолар. Бу номнуо “iOS” уонна  “Android” платформаларга 30 бастыҥ сыһыарыылар кэккэлэригэр киирдэ. Бу туһунан араадьыйа дириэктэрэ Николай Бястинов иһитиннэрэр.

Ону таһынан, “Кэпсээҥҥит, хайдах олорохут”, “Чэгиэн чэбдик”, “Саха сирин чулуу дьоно”, “История быыһын сэгэтэн” диэн саҥа рубрикалар баар буолуохтара.

Биһиги музыкальнай биэриини аччаттыбыт, ол оннугар араас иһитиннэриилэр, сонуннар, ону таһынан, өрөспүүбүлүкэ араас муннугуттан быһа холбонуулар баар буолуохтара. Мантан инньэ араадьыйа оперативнай буолуоҕа. Сарсыарда 10 ч -11 ч диэри нууччалыы булуок үлэлиэҕэ. Биһиги истээччилэрбит туһугар үлэлиибит. Саҥа уларыйыылары сэргиэхтэрэ диэммит эрэнэбит”, – диэн Николай Бястинов кэпсээтэ.

Мобильнай сыһыарыы көмөтүнэн саха араадьыйатын Аан дойду ханнык баҕар муннугуттан истэр кыахтанныбыт. Сыһыарыы биир нэдиэлэ устата 208 миэстэттэн 28 миэстэҕэ тахсыбыт.

Канадаҕа, АХШ, Филиппиныга, Кореяҕа уонна да атын дойдуларга олорор биир дойдулаахтарбыт, өрөспүүбүлүкэҕэ буола турар саамай сүрүн сонуннары төрөөбүт тылларынан истэр кыахтаннылар. Кинилэр биһиэхэ махтал тылларын ыыталлара олус үчүгэй”, – диэн Николай Бястинов бэлиэтээтэ.

ysia.ru

Тарҕат:

Комментарии

Защитный код Обновить