Алтынньы 10 күнүгэр киинэ, Саха тыйаатырын уонна Олоҥхо тыйаатырын артыыһа Гаврил Менкяров “Экспедиция. Умнуллубат кэмнэр” диэн бастакы киинэтин сүрэхтиэ. Бу кини бастакы үлэтэ буолар.
Гаврил “Байанайдаах баатырдар”, “Айыы уола”, “Гектар” уо.д.а. киинэлэргэ сүрүн оруоллары оонньообута. “Экспедиция. Умнуллубат кэмнэр” киинэ СӨ ыччат политикатын өйөбүлүнэн “Лига Саха КВН” ыччат түмсүүтүн айар бөлөҕө уонна “Среда” мультимедийнай устуудьуйа уһуллулар.
Режиссер кэпсииринэн киинэ атын саха комедияларын курдук буолбатах. Манна комедийнай уонна историческай жанрдар көстөллөр. Сүрүн оруолларга – “Саха КВН” ыччата.
