Дьокуускайга “Грани культуры” диэн өрөспүүбүлүкэ култуура уонна ускуустуба айар үлэһиттэрин сойууһун үһүс бириэмийэтин туттардылар. Икки номинацияҕа Суорун Омоллоон аатынан опера уонна балет тыйаатыра лауреат аатын ылла.
Ол курдук, “Бастыҥ бэстибээл” номинацияҕа “Стерх” классическай балет Х норуоттар икки ардыларынааҕы бэстибээлэ кыайда. Култуура миниистирин солбуйааччы Марина Силина тыйаатыр сүрүн балетмейстерыгар Мария Сайдыкуловаҕа анал бэлиэни уонна диплому туттарда.
Оттон “Бастыҥ айар бырайыак” номинацияҕа РФ үтүөлээх артыыһа, СӨ норуодунай артыыһа Айталина Адамова — Афанасьева “Я в музыке дарю свою любовь” диэн үбүлүөйдээх бырайыага бастаата.
Тыйаатыр солиһа, СӨ түөлээх артыыһа Григорий Петров култуура эйгэтигэр сүҥкэн кылаатын, ситиһиитин иһин бочуоттаах гырааматанан наҕараадаланна.
Уопсайа 15 номинация туттарылынна. Ол курдук, Саха тыйаатырын артыыһа, “Тойон кыыл” уонна “Мин үрдүбэр күн хаһан да киирбэт” киинэлэргэ сүрүн оруоллары оонньообут Степан Петров, режиссер Любовь Борисов, П. Решетников аатынан Чурапчытааҕы норуодунай тыйаатыр, Саха сирин норуоттарын VII спортивнай оонньуулар сабыллыыта, Екатерина уонна Алексей Егоровтар, Пушкин аатынан нуучча тыйаатырын дириэктэрэ Александра Звонкова уо.д.а ыллылар.
