Норуоттар икки ардыларынааҕы эногастрономическай киин бэрэсидьиэнэ Гелибтерман Леонид Владимирович, саха урбаанньыттарын Москубатааҕы дипломатическай гастрономическай кулуупка ыҥырбыта.
Ахсынньы 11-12 күннэригэр “Кыһын Саха сириттэн саҕаланар” бэстибээл чэрчитинэн, “Махтал” эрэстэрээн уонна “Киэргэ” ювелирнай дьиэ бэрт ураты, интэриэһинэй тэрээһини ыыттылар. Манна араас дойдулар бэрэстэбиитэллэрэ кыттыыны ыллылар. “Махтал” эрэстэрээн хаһаайына Иннокентий Лукин уонна “Киэргэ” ювелирнай дьиэ дириэктэрэ Галина Павлова саха норуотун култууратын, духуобунаһын, үгэстэрин туһунан кэпсээн мустубут дьон сүрэхтэрин туттулар.
Бу икки улахан тэрилтэлэр Саха сиригэр туризм сайдыытыгар сүҥкэн кылааттарын киллэрэллэр. Кэнники сылларга саха урбаанньыттара саха аһын-үөлүн, күндү таастарын тас дойдуларга көхтөөхтүк тарҕаталлар. Бу тэрээһиҥҥэ Иннокентий саха төрүт аһын сиһилии кэпсээтэ. Түмүккэ эрэстэрээн шеф-повара Семён Ноев “Легенда Махтала” диэн фирменнэй бүлүүдэни таһаарда. Мустубут дьон олус сөхтүлэр. Хаһаайын Саха сиригэр ыалдьыттыылларыгар ыҥырда. Оттон “Киэргэ” ювелирнай дьиэ дириэктэрэ Галина Николаевна сахалар Леонардо ди Каприоҕа Оскар оҥорон ыыппыттарын туһунан кэпсээтэ.
