Войти

Войти

Олоҥхону сыыппараҕа көһөрүүгэ улахан үлэ саҕаланна. Бу туһунан Ил Түмэн пресс-сулууспата иһитиннэрэр.

Бэҕэһээ, ахсынньы 16 күнүгэр, Олоҥхоҕо болҕомто ууруллубута сүүрбэһис сылыгар (второе Десятилетие Олонхо) аналлаах тэрээһиннэргэ бэлэмнэнии чэрчитинэн Национальнай тэрийэр кэмитиэт мунньаҕа буолла.

“Өрөспүүбүлкэтээҕи фоно уонна видеотека архыыбын тэрийиигэ уонна урукку сылларга Олоҥхону толоруу устууларын үйэтитэргэ туһуламмыт күүстээх үлэ саҕаланна” , — диэн пресс-сулууспа иһитиннэрэр.

Парламент бастакы вице-спикерэ Александр Жирков тоһоҕолообутунан, гуманитарнай чинчийэр институкка илиинэн суруйуу пуондатыгар барыллааһын үлэ күүскэ ыытыллыбыт. Ханнык олоҥхону сыыппараҕа бэрээдэгинэн көһөрөллөрүн туһунан быһаарыы ылыллыбыт, онуоха туһааннаах дуогабар баттаммыт.  Александр Жирков бу үлэни сүрүннүүллэригэр уонна хонтуруоллууларыгар эспиэрдиир бөлөҕү тэрийэргэ сорудахтаабыт.

Тарҕат:

Комментарии

Защитный код Обновить