Войти

Войти

Быйылгы Ил Дархан харыйатыгар өрөспүүбүлүкэ араас муннугуттан 700 үөрэнээччи: үөрэх туйгуннара, актыбыыстар, араас олимпиадалар, успуорт күрэхтэһиилэрин кыайыылаахтара кыттыахтара. Кинилэр Ил Дархантан стипендия ылыахтара. Бу туһунан СИА-ҕа үөрэх министиэристибэтин пресс-сулууспата иһитиннэрэр.

Бу күннэргэ “Сосновый бор” кииҥҥэ хоту улуустартан оҕолор киирдилэр. Быйыл манна 23 улуустан 300 тахса оҕо олоруохтаах.

Мин үгүс куоҥкурустар, математикаҕа уонна нуучча тылыгар өрөспүүбүлүкэтээҕи, Арассыыйатааҕы олимпиадалар кыттыылааҕа буолабын. Ил Дархан харыйатыгар кыттар чиэскэ тиксибиппиттэн олус үөрэбин. Стипендияны үөрэхпэр туттуоҕум. Инникитин IТ- эйгэтигэр сыһыаннаах идэни баһылыахпын баҕарабын. Ол курдук, дизайнер, программист буолуохпун сөп. Ил Дархан харыйатыгар кыттыы улахан ситиһии дии саныыбын. Оҕолорго туохтан да толлубакка туруоруммут сыалларын ситиһэллэригэр баҕарабын”, — диэн Булуҥ оройуонун Хорулаах орто оскуолатын 11-с кылааһын үөрэнээччитэ  Кирилл Слепцов баҕа санаатын тиэрдэр.

 “Мин 2-7-с кылааска диэри үөрэхпэр туйгун этим. Оттон 8-с кылаастан “хорошист” буолбутум. Биһиги оскуолабытыгар “Кэскил” диэн актыбыыстар түмсүүлэрэ баар. Манна араас тэрээһиннэри ыытабыт. Оскуолабын бүтэрдэхпинэ мэдиссиинэ идэтигэр туттарсыахпын баҕарабын”, – диэн Өлөөн оройуонун Эйик орто оскуолатын 11-с кылааһын үөрэнээччитэ Александрия Сергеева санаатын үллэстэр.

Быйыл Ил Дрхан харыйатын үөрүүлээх тэрээһинэ ахсынньы 23 күнүгэр, Марфа уонна Сергей Расторгуевтар ааттарынан циркэ дьиэтигэр буолар. Манна Ил Дархан бары кыттыылаахтарга 25 000 солк стипендиялары туттарыаҕа. Ону таһынан, оҕолор үөрэх, култуура тэрилтэлэригэр, киинэҕэ, тыйаатырдарга уонна түмэллэргэ сылдьыахтара. Өрөспүүбүлүкэ биллиилээх дьонун кытта көрсүөхтэрэ.

ysia.ru/

Тарҕат:

Комментарии

Защитный код Обновить