Войти

Войти

Бүгүн, ахсынньы 26 күнүгэр “Звезда” ханаалга аһаҕас эфиргэ (21:20 ч Саха сирин бириэмэтинэн), “Новая звезда — 2020” ырыа куоҥкуруһугар ыҥырыылаах ыалдьыт быһыытынан Саха сирин эдэр талааннаах ырыаһыта KitJah, “Хотойтон Хотой” диэн сахалыы ырыатын толоруоҕа. Ол туһунан социальнай ситимҥэ маннык суруйар:

Сахам дьоно, истиҥ истээччилэрим, үтүө көрөөччүлэрим! Ахсынньы ый 26 күнүгэр Сахам сирин бириэмэтинэн киэһэ 21ч 20 м, Бүтүн Арассыыйа көрдөрөр-иһитиннэрэр хампаанньатын “Звезда” ханаалыгар “Новая звезда” бырайыак чэрчитинэн аһаҕас эфиргэ мин сахалыы ырыабын-тойукпун өссө биирдэ улахан түһүлгэҕэ, киэҥ биэриигэ истэ сэргээҥ, көрөн үөрүҥ!”.

Санатар буоллахха, KitJah ааспыт сыллахха “Новая звезда” бырайыакка финалга тахсан, куоластааһын түмүгүнэн иккис миэстэни ылбыта. Уонна продюсер, композитор Игорь Матвиенко аатыттан  анал бирииһинэн наҕараадаламмыта. Ол курдук, KitJah билигин Москубаҕа “М.А.М.А” диэн Матвиенко академиятыгар үөрэнэ сылдьар.

Тарҕат:

Комментарии

Защитный код Обновить