Войти

Войти

Уус Алдан улууһун бочуоттаах олохтооҕо, үлэ уонна тыыл бэтэрээнэ Мария Фомина Бастакы канаалга соторутааҕыта көстөн саҕалаабыт “Ученица Мессинга” диэн киинэ сериалыгар уһуллубут.

86 саастаах Мүрү олохтооҕун өссө 4 сыллааҕыта уһулбуттар эбит. Оттон күөх экраҥҥа Мария Фомина 90 сааһын туолар үбүлүөйдээх сылыгар бэлэх курдук таһаардылар. Бу 16 сериялаах киинэҕэ аатырбыт сэбиэскэй экстрасенс, артыыс Вольф Мессинг суос-соҕотох үөрэнээччитэ Ольга Мигунова олоҕун туһунан кэпсэнэр. Киинэ сюжетын быһыытынан, Ольга Саха сиригэр гастрольга кэлэр. Кини кыыһа улаханнык ыарытыйар эбит, оттон кыыһын Саха сиригэр эрэ үтүөрдүөҕүн туһунан түүйбүттэр. Онон киинэ сүрүн героя Мария Фомина оонньообут удаҕаны кытары билсэр. Киинэҕэ удаҕан кыырыытын Мурманскай уобалаһын Оленегорскай куоратын аттыгар баар улахан күөл кытылыгар устубуттар. Киинэни 4 күн устата устубуттар, Мария Фоминаны 14 серияҕа көрдөрөллөр.

Мария Фомина бу иннинэ Михаил Лукачевскай “Үрүҥ күн” киинэтигэр уһуллубут уопуттаах. Бу киинэни кириитиктэр уонна көрөөччүлэр үрдүктүк сыаналаабыттара.

Тарҕат:

Добавить комментарий