Бу күннэргэ СӨ урбаанын, атыыга-эргиэҥҥэ уонна туризмҥа министиэристибэтэ Өлүөхүмэ оройуонугар үлэлиир. Бу туһунан миниистир Ирина Высоких иһитиннэрэр.
Сүрүн соруктар: баар эбийиэктэри көрүү, итэҕэстэри быһаарыы, үлэ былаанын оҥоруу уонна Олоҥхо Ыһыаҕын ыытыы үөрүйэҕин үллэстии. “Ааспыт сылга биһиги Нам улууһугар буолбут Олоҥхо Ыһыаҕар атыы-тутуу, аһылык туочукаларын тэрийиигэ ситиһиилээхтик үлэлээбиппит. Быйыл бэс ыйын 20-21 күннэригэр Өлүөхүмэҕэ буолар Олоҥхо Ыһыаҕа үрдүк таһымҥа ыытыллыа диэммин эрэнэбин”, – диэн Ирина Высоких эттэ.
