Войти

Войти

Maoriland Film Festival диэн Новай Зеландияҕа ыытыллар норуоттар икки ардыларынааҕы киинэ бэстибээлигэр үс саха киинэтэ киирдэ.

Ол курдук, Любовь Борисова “Мин үрдүбэр күн хаһан да киирбэт”, Петр Хики “Күлүк хомус”, Дмитрий Давыдов “Река” киинэлэрэ бэстибээлгэ талыллан киирбиттэр.

Бу саха киинэлэрэ аан дойдуга былааһы ылбыттара ыраатта. Maoriland Film Festival Новай Зеландия Отаки куоратыгар кулун тутар 18-22 күннэригэр ыытыллар. Бэстибээл SUNDANCE диэн Эмиэрикэ биллэр тутулуга суох киинэ бэстибээлин кытары ыкса үлэлэһэр. Бэстибээлгэ Новай Зеландияттан, Австралияттан, АХШтан, Канадаттан, Гренландияттан, Скандинавияттан уо.д.а. дойдулартан биллэр режиссердар, дистрибьютордар, араас киинэ бэстибээллэрин бэрэстэбиитэллэрэ мусталлар.

Тарҕат:

Добавить комментарий