Войти

Войти

Сурук-бичик күнүгэр аналлаах, быйыл сэттис төгүлүн ыытыллар, үгэс буолбут сахалыы диктаны миниистир, диктор, кэрэспэдьиэн уонна саха тылын учуутала ааҕыахтара диэн Национальнай бибилэтиэкэ иһитиннэрэр.

Ол курдук, диктаны култуура уонна духуобунай сайдыы миниистирэ Юрий Куприянов, “Саха” НКИК диктора Эдуард Рудых, “Саха” ГТРК шеф-эрэдээктэрэ уонна кэрэспэдьиэнэ Руслана Максимова уонна Дьокуускай 26-с №-дээх оскуолатын саха тылын учуутала Марианна Борисова ааҕыахтара.

Диктант түмүгэ олунньу 20 күнүгэр биллиэҕэ. Үчүгэй суруйуулары ХИФУ, Саха тыйаатыра, Гуманитарнай институт уонна “Бичик” кинигэ кыһата туруортаабыт бириистэринэн бэлиэтиэхтэрэ. Маны таһынан, хас биирдии кыттааччыга туоһу суруктары туттарыахтара. Быйылгы аахсыйаҕа улуустааҕы бибилэтиэкэ ситимнэрэ бары күргүөмүнэн кыттыһыахтара.

Диктаны Национальнай бибилэтиэкэҕэ (Октябрьскай уул. өттүттэн киирэҕит) олунньу 15 күнүгэр 13 ч. суруйуохтара (диктант лоп курдук 14 ч. саҕаланар). Ким баҕалаах кэлэн буор-босхо суруйар кыахтаах.

Тарҕат:

Комментарии

Защитный код Обновить