Олунньу 25 күнүгэр Дьокуускайдааҕы култуура уонна ускуустуба кэллиэһигэр, Аграфена Дмитриевна Макарова аатын иҥэрэр өйдөбүнньүк бэлиэни арыйыахтара.
Үөрүүлээх тэрээһиҥҥэ култуура диэйэтэллэрэ, Аграфена Дмитриевна үөрэппит оҕолоро, кэллиэс кэллэктиибэ, устудьуоннар кыттыыны ылыахтара. Бу күн Саха тыйаатырын сыанатыгар кэллиэс выпускниктара икки кэнсиэри көрдөрүөхтэрэ.
Санатар буоллахха, ааспыт сыл алтынньы 23 күнүгэр Ил Дархан Айсен Николаев, Дьокуускайдааҕы култуура уонна ускуустуба кэллиэһигэр А. Д. Макарова аатын иҥэрэр туһунан ыйаахха илии баттаабыта.
Аграфена Дмитриевна култуура кэллиэһин 1992-2012 сылларга салайбыта. Кини үлэлиир кэмигэр иитэр-үөрэтэр үлэҕэ саҥа ньымалар киирбиттэрэ. Кэллиэс уһуйааччылара улаханнык уларыйбакка оннуларынан хаалбыттара. Ону таһынан, саҥа идэлэр, айар түмсүүлэр, кэллэктииптэр тэриллибиттэрэ.
