Войти

Войти

“Туой-Хайа 2020” ырыа күрэһэ Мииринэй оройуонугар эрэ буолбакка, Өрөспүүбүлүкэтээҕи таһымнаах биир чаҕылхай тэрээһин буолар.

Эстрада эдэр талааннарын күрэһэ аан бастаан “Чуона” диэн аатынан биллэрэ. Бу күрэһи иилээн-саҕалаан тэрийбит Валерий Лукич Евсеевы ахтан ааһар сиэрдээх буолуоҕа. Валерий Лукич Туой-Хайаттан төрүттээх киһи этэ. Кини бу дойдуттан соһуччу суох буолбута. “Туой-Хайа” эстрада бэстибээлэ сайдарыгар “Новай” сопхуос оччотооҕу дириэктэрэ С. Андреев, “Алмаас” култуура дыбарыаһын саха салаатын сүрүннээччилэрэ У. Миронова, А. Филиппов, “Туой-Хайа” култуура дьиэтиттэн С. Неустроева, КСК салайааччылара Г. Юст, А. Сердюк бэйэлэрин кылааттарын киллэрбиттэрэ. Эдэр талааннар күрэстэрин дьүүллүүр сүбэтин саха норуотун ырыатын Дархана - Аркадий Алексеев салайбыта. Бу ырыа күрэһиттэн сахабыт эстрадатын “сулустара” тахсыбыттара: Сиэйэ Уола, Ангелина Файрушина, Тамара Попова, Ольга Спиридонова – Ника, Иннокентий Васильев-Лэгэнтэй, Умсуура Ченянова, Иннокентий Лебедев, Альберт Унаров уо.д.а. Кинилэр саха эстрадатын сэргэхсиппиттэрэ, киэргэппиттэрэ.

Мин субу курдук өйдүүбүн, Кеша Васильев-Лэгэнтэй “Туой-Хайа” күрэскэ Гран-При буолан, массыына ылбыта. Туох да диэ, Саха сиригэр ханнык да эстрада бэстибээлэ Мииринэйгэ курдук улахан бириистэри туттарбатах буолуохтаах. Массыына, бриллант, нуорка саҕынньах, көмпүүтэр, харчынан бириэмийэ... Бу да сырыыга “АЛРОСА” КСК-тын саҕалааһынынан ыытыллыахтаах тэрээһин, ырыа күрэһин кыайыылааҕар ботуччу бирииһи туруоруоҕа. Ол курдук “Туой-Хайа 2020” эстрада бэстибээлин кыайыылааҕын, 200.000 солк уу харчынан бириэмийэ күүтэр.

Бэстибээл Мииринэй оройуонун Арыылаах сэлиэнньэтигэр, кулун тутар 20-21 күннэригэр “Туой-Хайа” култуура дьиэтигэр буолар. Гала-кэнсиэрэ кулун тутар 22 күнүгэр Мииринэй куоракка, “Алмаас” култуура дыбарыаһыгар ыытыллыаҕа. Чэйиҥ, ырыа куттаах оҕолоор кытаатыҥ, бэйэҕит талааҥҥытын, кыаххытын көрдөрүҥ!

Станислав Алексеев, Мииринэй куората

 

  

 

Тарҕат:

Добавить комментарий

Бүтэһик сонуннар