Войти

Войти

Бүгүн сарсыарда Дьокуускайга Виртуозы Якутии” ансаамбыл скрипачтара, АХШ-тан гостуруоллаан кэллилэр. Кинилэри тута обсерваторга киллэрдилэр. Бу туһунан СИА иһитиннэрэр.

Ол курдук сарсыарда 06.00 чааска анал рейсэнэн көтөн кэлбит “Виртуозы Якутии” ансаамбыл скрипачтарын (9 киһи), концертмейстеры уонна икки салайааччыны, ГРЭС оройуонугар баар обсерваторга киллэрдилэр.

Ансаамбыл дириэктэрэ  Станислав Афанасенко кэпсииринэн, артыыстар Москубаттан Майами куоракка кулун тутар 10 күнүгэр көппүттэр. Флорида үс куоратыгар кэнсиэрдээбиттэр. Ону таһынан, тарҕаммыт ыарыынан сибээстээн үс кэнсиэри тохтоппуттар. Авиа-билиэт атыыга суох буолан, нэдиэлэ курдук кыайан көппөккө олорбуттар. Билиҥҥи туругунан кимиэхэ да ыарыы чинчитэ суох.

““Шереметьево” аэропуорка уонна манна температурабытын кэмнээтилэр. Барыта этэҥҥэ. Кимиэхэ да ыарыы сибикитэ суох”, — диэн Станислав Афанасенко кэпсиир. Билигин артыыстар анаалыс биэрэллэрин күүтэллэр. Обсерваторга 14 күн устата харантыыҥҥа сытыахтара.

ysia.ru/

Тарҕат:

Добавить комментарий