Быйылгы норуоттар икки ардыларынааҕы киинэ бэстибээлэ “онлайн” быһыытынан ыытылынна. Дьүүллүүр сүбэ чилиэннэрэ “удаленно” үлэлээн бастыҥнары быһаардылар.
Ол курдук сүрүн куоҥкурус дьүүллүүр сүбэтин састаабыгар режиссердар Борис Хлебников, Эдуард Новиков, Элла Манжеева киирдилэр.
“Бастыҥ режиссер” – Дмитрий Давыдов, “Ийэкээм” (“Нет бога кроме меня”).
“Бастыҥ киинэ” – “Бой Атбая”, режиссер Адильхана Ержанова.
Дьүүллүүр сүбэ анал бирииһинэн Зорица Нюшева “Бог существует, и ее имя — Петруния” (“Gospod postoi, imeto ié Petrunja”) киинэҕэ дьахтар бастыҥ оруолунан бэлиэтэннэ.
“За ритм и цвет, как описание пульсирующей жизни” номинацияҕа “Белый, белый день” (“Hvítur, hvítur dagur”) киинэ бастаата. Режиссер Хлинюра Палмасона.
Документальнай киинэлэри кинокритик, суруналыыс Ник Холдсворт, режиссер Максим Арбугаев, продюсер Симона Бауманн сыаналаатылар.
“Бастыҥ киинэ” – “Книга моя”, режиссер Алексей Вахрушев.
“Бастыҥ режиссер үлэтэ” – “Магическая жизнь V”, режиссер Тонислав Христов.
Ону таһынан, Микаэль Страндберг “Мужчина с семьей — Гренландское приключение”, Ксения Елян “Хозяин оленей” киинэлэринэн дипломнарынан наҕараадаланнылар.
“Саха киинэтин сайдыытыгар кылаатын иһин” номинацияҕа тыйаатыр уонна киинэ артыыһа Спартак Федотов (“Журавли над Ильменем”, “Снайпер саха”) наҕараадаланна.
“Саха бастыҥ киинэтэ” номинацияҕа көрөөччүлэр куоластааһыннарынан Любовь Борисова “Мин үрдүбэр күн хаһан да киирбэт” киинэтэ кыайыыны ситистэ.
“Саха киинэтигэр дьахтар бастыҥ оруола” – Ньургуйаана Шадрина (“Тиэтэйбит”).
“Саха киинэтигэр бастыҥ эр киһи оруола” – Степан Петров (“Мин үрдүбэр күн хаhан да киирбэт”, “Тойон кыыл”).
