Войти

Войти

Саха циркэтин акробаттарын бөлөҕө “1st Online Circus Festival” диэн норуоттар икки ардыларынааҕы бастакы онлайн-бэстибээлгэ анал бирииһи ыллылар.

Бэстибээл муус устар 6 күнүттэн ыам ыйын 2 күнүгэр диэри ыытыллыбыт. Тэрийээччи циркэ биллэр артыыһа, жонглер, режиссер, продюсер, норуоттар икки ардыларынааҕы үгүс бэстибээллэр кыайыылааҕа Дмитрий Чернов буолар.

Онлайн-бэстибээлгэ 685 сайаапка киирбит. Олортон тэрийэр кэмитиэт 100 нүөмэри талбыт. Дьүүллүүр сүбэҕэ аан дойду циркэтин биллэр диэйэтэллэрэ, норуоттар икки ардыларынааҕы бэстибээллэр президеннэрэ, режиссердар, продюсердар уопсайа 20 киһи киирбит.

Саха циркэтин акробаттарын бөлөҕөр “Поколение NEXT — 3” Пекиннээҕи ускуустуба кэллиэһин бүтэрбит  оҕолор Семен Афанасьев, Алексей Иванов, Василий Фёдоров, Сергей Баданин, Сергей Будуранов, Туяра Гуляева уонна Анастасия Старостина үлэлииллэр.

Кинилэр “Дьиэ кэргэн” диэн нүөмэри көрдөрөн, “Росгосцирк” хампаанньаттан Санкт-Петербург куоракка Фонтанкаҕа баар циркэҕэ үс ый үлэлиир хантараагы ыллылар.  

Тарҕат:

Добавить комментарий

Бүтэһик сонуннар