Войти

Войти

Быйыл Тюмень куораттааҕы сүрэх научнай киинэ төрүттэммитэ 35, Арассыыйа суруйааччыларын сойууһун Тюменнээҕи салаатын 25 сылларын уонна Улуу Кыайыы өрөгөйдөөх үбүлүөйүн көрсө поэзия күрэҕэ биллэриллибитэ. Бүтүн Россиятааҕы «Дела сердечные-2020» медицинскэй поэзия күрэҕэ ыам ыйын бүтүүтэ түмүктэниэхтээх этэ. Ол эрээри, хоруона хамсыга мэһэйдээн, үөрүүлээх тэрээһин күһүн ыытыллара барылланар. Онно дьүүллүүр сүбэ лонг-лист испииһэгэр сүүмэрдээбит бастыҥ хоһоонньуттарын айымньыларынан хомуурунньук тахсыаҕа.

         Күрэххэ Петрозаводскайтан Владивостокка тиийэ сүүстэн тахса ааптар үлэтэ киирбит. Ол иһигэр идэтийбит биллиилээх поэттар, эмчиттэр, инженердэр, учууталлар, урбаанньыттар уо.д.а. кыттыбыттар. Саамай кырдьаҕас ааптар 83 саастаах эбит. Үлэлэри тиэмэлэринэн үс бөлөххө арааран ырыппыттар: «Медицинская поэзия», «Для авторов-медиковы» уонна «Фронтовая медицина».

Сахабыт сириттэн Медицина национальнай киинин бырааһа, СӨ суруйааччыларын сойууһун чилиэнэ Мария Афанасьевна Решетникова-Арылы Дуйдаах нууччалыы суруйбут хоһооннорунан ситиһиилээхтик кыттан, «Медицинская поэзия» диэн түһүмэххэ бастыҥнар кэккэлэригэр ааттаммыт. Чаҕылхай үлэлээхтэр ортолоругар Москва, Тюмень, Киров, Самара, Новосибирскай, Иркутскай, Барнаул куораттар олохтоохторо бааллар. Краснодартан, Астраханьтан, Ханты-Мансийскай уокуруктан, Украинаттан эмиэ үчүгэй үлэлэр бэлиэтэммиттэр.

         Кыайыылаахтары чиэстээһин күһүн Тюмень куоракка кардиологтар конгресстарыгар буолуоҕа.

        

        

Тарҕат:

Комментарии

Стручкова Елена Дм
0 Стручкова Елена Дм 07.05.2020 14:02
Го
Ответить
Стручкова Елена Дм
0 Стручкова Елена Дм 07.05.2020 14:02
Отдаю голос
Ответить

Добавить комментарий