Войти

Войти

Улуу Кыайыы 75 сылыгар анаммыт “'Улуу Туймаада ыһыаҕа-2020 с.”' фронтовик-оһуокайдьыт, Саха сирин Аар Дархан этээччитэ А.Т. Титаров аатыгар анаммыт өрөспүүбүлүкэтээҕи Оһуокай күрэҕэ быйыл онлайн нөҥүө ыытылынна.

Күрэҕи Дьокуускай куорат салалтата ( баһылык Сардана Авксентьева), Дьокуускай куорат култууратын духуобунай сайдыытын управлениета (нач. Индира Ли), уонна “Оһуокай”' түмсүү (бэр. А.Д. Данилов) куйаар ситимигэр (инстаграм), #ОсуохайЫсыахТуймаады2020 хештэг нөҥүө ыыттылар.

Оһуокай 1-кы сүүмэрдиир түһүмэҕэ бэс ыйын 14 күнүттэн 17 күнүгэрдиэри, 2-с түһүмэҕэ бэс ыйын 20 күнүгэр куйаар ситимин нөҥүө буолан ааста.

Бастакы түһүмэххэ Сахабыт сирин араас улуустарыттан, уопсайа 37 оһуокай этээччи кыттыыны ылла. Олортон дьүүллүүр сүбэ чилиэттэрэ 15 бастыҥ этээччини таллылар:

Финалга киирбит этээччилэр:

  • Пестряков Данил Михайлович - (Чурапчы, Чыаппара)
  • Харлампьева Каролина Петровна - (Бүлүү куората)
  • Никифоров Виталий Витальевич - (Мэҥэ Хаҥалас, Майа)
  • Мэҥкэр Сэмэн Хабырыыл Уол - (Бүлүү, Сыдыбыл)
  • Кучурова Таисия Аркадьевна - (Ньурба куората)
  • Харлампьева Светлана Петровна - (Бүлүү куората)
  • Захарова Евдокия Владиславовна - (Сунтаар, Элгээйи)
  • Павлов Константин (Сунтаар, Сунтаар нэһилиэгэ)
  • Гуляев Самсон Георгиевич - (Сунтаар, Элгээйи)
  • Федотов Петр Егорович - (Нам, Үөдэй)
  • Семёнова Элеонора Семёновна - (Ньурба, Күндээдэ)
  • Васильева Саргылана Алексеевна - (Сунтаар, Сунтаар нэһилиэгэ)
  • Хобусарова Марианна Владимировна - (Үөһээ Бүлүү, Үөдүгэй)
  • Ефремова Ульяна Максимовна - (Мэҥэ Хаҥалас, Майа)
  • Иванов Захар Анатольевич - (Үөһээ Бүлүү, Кэнтик).

Финалга киирбит этээччилэр бары Саха сирин “Үтүөлээх оһуокай этээччитэ” ааты чиэстээхтик ыллылар.

Күрэхтэһии балаһыанньатынан 15 бастыҥ чулуу этээччилэр (финалистар), бэс ыйын 20 күнүгэр, иккис түһүмэххэ Саха сирин Аар Дархан уонна Дархан этээччилэрин кытары Улуу Туймаада Ыһыаҕын кыайыылааҕын аатын былдьастылар.

3

4

Финал кыттыылаахтара:

1. Федотов Петр Егорович (Нам, Үөдэй)

2 Мэҥкэр Сэмэн Хабырыыл Уола (Бүлүү, Сыдыбыл)

3 Хорунов Валентин Валентинович (Саха сирин Дархан этээччитэ, Нам улууһа, Нам нэһилиэгэ)

4 Иванов Захар Анатольевич (Үөһээ Бүлүү, Кэнтик)

5 Хобусарова Марианна Владимировна (Үөһээ Бүлүү, Үөдүгэй)

6 Харлампьева Светлана Петровна (Бүлүү куората)

7 Кучурова Таисия Аркадьевна (Ньурба куората)

8 Кривошапкин Анатолий Иванович - (Саха сирин Аар Дархан этээччитэ(Дьокуускай куорат)

9 Черноградский Семен Ильич - (Саха сирин Дархан этээччитэ, Уус Алдан)

10 Павлов Константин Владимирович (Сунтаар, Сунтаар нэһилиэгэ)

11. Васильева Саргылана Алексеевна (Сунтаар, Илимниир)

12 Захарова Евдокия Владиславовна (Сунтаар, Элгээйи)

13 Пестряков Данил Михайлович (Чурапчы, Чыаппара)

14 Гуляев Самсон Георгиевич (Сунтаар, Элгээйи)

15 Осипов Егор Михайлович - Аар Дархан этээччи (Дьокуускай куорат)

16 Семенова Элеонора Семеновна (Ньурба, Күндээдэ)

17 Иванов Семен Иннокентьевич - Чочу Сэмэнэ, (Саха сирин Дархан этээччитэ, Бүлүү).

18 Никифоров Виталий Витальевич (Мэҥэ Хаҥалас, 1-кы Тыыллыма)

19. Иванов Станислав Александрович (Саха сирин Дархан этээччитэ Мэҥэ Хаҥалас, Майа)

20. Ефремова Ульяна Максимовна (Мэҥэ Хаҥалас, Майа)

21. Дмитриева Тамара Григорьевна - (Саха сирин Дархан этээччитэ, Ньурба, Мэҥэдьэк)

22 Харлампьева Каролина Петровна (Бүлүү куората).

5

7

Быйыл Оһуокай түһүлгэтин күрэҕэр Саха сирин улуустарыттан уопсайа 44 оһуокай этээччи кытынна. Сылын аайы ыытыллар бу күрэххэ ыччат көхтөөхтүк кыттыыта элбээн иһэрин, дьүүллүүр сүбэ чилиэттэрэ бэлиэтээтилэр.

Эдэр оһуокай этээччилэр тахсан иһэллэрин сэргии, үөрэ көрдүбүт. Көлүөнэ көлүөнэни солбуйарын, бу оһуокай күрэҕэ туоһулаата. Доллоһутар куоластаах уоланнар, нарын-намчы куоластаах кэрэ куолар устар ууну сомоҕолуур кэриэтэ, кыыс кыраһыабай кэрэ айылҕа киэҥ дуолатыгар, кылыһахтаах куоластарынан этэн-тыынан барбыттарын, харахпыт хайгыы, сүрэхпит сэргии, кулгаахпыт чөрөйөн олорон иһиттибит, биһирээтибит.

Быйылгы ''онлайн'' ситиминэн ыытыллыбыт оһуокай күрэҕин Гран-при кыайыылааҕынан Дьокуускай куоракка олорор, Өлүөхүмэ улууһуттан сылдьар, Саха сирин “Аар Дархан этээччитэ” Егор Михайлович Осипов буолла.

1-кы миэстэ Бүлүү куоратыттан Каролина Петровна Харлампьева,

2-с миэстэ Мэҥэ Хаҥалас, Майатыттан сылдьар эдэр кэскиллээх этээччи Виталий Витальевич Никифоров

3-с миэстэ Ньурба улууһун Мэҥэдьэгиттэн сылдьар Тамара Григорьевна Дмитриева ыллылар.

8

Маны таһынан, А.Т. Титаров биир дойдулаахтара Үөһээ Бүлүү, Хомустаах (баһылык Х.П.Поротова) нэһилиэк уопсастыбаннаһа уонна дьокутааттара кыттыһаннар, 40 тыһыынча солкуобай суумалаах диплому “Эдэр кэскиллээх этээччи” диэн номинацияҕа туруорбуттарын Үөһээ Бүлүүттэн сылдьар Иванов Захар Анатольевич ылла.

Түгэни туһанан, махтаныахпыт этэ, Ытык Оһуокайы өрө тутан өйөөбүт, көмөлөспүт дьоммутугар Дьокуускай куорат баһылыгар Сардаана Владимировна Авксентьеваҕа уонна Хомустаах МРТ баһылыгар Христина Петровна Поротоваҕа. Эһиги курдук дьон баар буолан, былыр былыргыттан илдьэ кэлбит саха омук Ытык Оһуокайа күн бүгүҥҥэ диэри үүнэ – сайда туруо диэн баҕа санаабытын тиэрдэбит уонна алгыстаах тылларбытынан алҕыыбыт! ДОММ!

Оһуокай дьүүллүүр Сүбэтэ

Сонуну суруйда

Сардаана БАГЫНАНОВА.

Тарҕат:

Добавить комментарий