Дьокуускай Табаҕатын тумулугар баар “Улуу Тоҕой” этнокомплекска атырдьах ыйын 14-15 күннэригэр аһаҕас халлаан анныгар “Наахара” диэн сахалыы кутталлаах киинэни көрдөрүөхтэрэ.
Маныаха киинэни массыына иһигэр олорон көрөҕүн, тыаһа-ууһа массыынаҕа быһа холбонор. Онуоха автомодултор нөҥүө холбууллар, ол иһин массыынаҕа FM –араадьыйа баар буолуохтаах.Этнокомплекска киинэни балаҕан ыйын бүтүөр дылы, хас өрөбүл ахсын көрдөрөр буолуохтара. Киинэ лиэнтэтин “Сахафильм” хампаанньа биэрэр. Киинэни киэһэ 21 ч. Көрдөрөллөр. Киинэ парковката 10-15 массыынаҕа анаан оҥоһуллубут. Биир массыына киирэр билиэтин сыаната – 700 солк. Киинэни көрдөрөр экранкээмэйэ – 5х10 м.
