Войти

Войти

Бүгүҥҥүттэн А.С.Пушкин аатынан Национальнай бибилэтиэкэ ааҕааччыларыгар анаан саҥа өҥөнү оҥорор – абонементан видеоннан эрийэн кинигэ талан уларсыахха сөп. Бу туһунан бибилэтиэкэ пресс-сулууспата иһитиннэрэр.

“Билигин аны бибилэтиэкэҕэ бэйэҕит кэлбэккэ эрэ, бибилэтиэкэри кытары видеоннан кэпсэтэн наадалаах кинигэҕитин талыаххытын сөп. Дьэ ол кэннэ кинигэҕитин кэлэн ылаҕыт”, - диэн суруйаллар.

Бибилэтиэкэр наадалаах кинигэни таларга көмөлөһүө, тугу ааҕары сүбэлиэ уонна кэлэн ылыахытыгар диэри ууран сытыарыа. Бу өҥөннөн туһанарга 455-855 төл. эрийэҕит, табыгастаах бириэмэни талаҕыт, ол кэннэ бибилэтиэкэр бассаабынан эрийэн тахсыаҕа. Маннык өҥөннөн бэнидиэнньиктэн бээтинсэҕэ дылы 10 ч.-18 ч. диэри туһанаҕыт (тохтобул 13-14 ч.). Билигин Национальнай бибилэтиэкэҕэ абонемент уонна электроннай өҥө сектора үлэлииллэр, ааҕар саала, ол иһигэр краеведческэй салаа быстах кэмҥэ сабыллан тураллар.

Тарҕат:

Добавить комментарий