“Кинотаврга” былааһы ылбыт Амма режиссера Дмитрий Давыдов аны Владимир Короленко “Макаар түүлэ” сэһэнинэн киинэ устаары гынар.
“Мин “Макаар түүлэ” сэһэни күөх экраҥҥа көрдөрөөрү үөрэтэ сылдьабын. Бу сэһэни киинэ гынарга уруккуттан ыралана сылдьабын. Баҕар эһиил киинэ пленкатыгар түһэриэм диэн былаанныыбын”, - диэн режиссер пресс-кмпириэнсийэ кэмигэр кэпсээтэ.
“Макаар түүлэ” сэһэни 1883 сыллаахха суруйааччы Владимир Короленко Аммаҕа сыылкаҕа олорон суруйбута. Кини Захар Цыкунов диэн бааһынайга олорон, кини дьиҥ олоҕуттан ылан суруйбута. Захар Цыкунов – Макаар прототиба.
