Войти

Войти

“Меридианы Тихого” диэн Азиатскай-Тихоокеанскай эрэгийиэннэр киинэлэрин 18-с аан дойдутааҕы бэстибээлэ Владивосток куоракка буолан ааста.

Саха сириттэн Дмитрий Давыдов киинэтэ “Пугало” кыттыыны ылла.

Киинэ бэстибээлигэр барыта 49 дойдуттан 200 лиэнтэ көһүннэ. Хамсык ыарыынан сибээстээн, тас дойдутааҕы ыалдьыттара онлайн режим нөҥүө кытыннылар.

Бу бэстибээлгэ Саха сириттэн “Пугало” киинэ сүрүн дьоруойун артыыһа, “Кинотавр” бэстибээлгэ дьахтар бастыҥ оруолугар гран-при хаһаайына, Саха сирин үтүөлээх артыыһа, эстрада тыйаатырын ырыаһыта Валентина Романова – Чыскыырай кыттыыны ылан кэллэ.

“Пугало” киинэ хартыыната “Кинотавр” бэстибээл сүрүн бирииһин ылан баран, “Меридианы Тихого”  бырагырааматыгар киирбитэ. Аан дойтуааҕы бэстибээл түмүгэ алтынньы 16 күнүгэр биллиэхтээх.

Тарҕат:

Добавить комментарий