Войти

Войти

1. Сүрүнэ

1.1. Быйыл Арассыыйаҕа – Албан аат уонна Кэриэс, Саха Өрөспүүбүлүкэтигэр Дойдунаат сыллара биллэриллибиттэригэр тоҕооһуннаран, “Кыым” хаһыат уонна “Күрүлгэн” сурунаал эрэдээксийэлэрэ, “Ситим” медиа бөлөх, “Ааҕар Саха сирэ” түмсүү, Арассыыйа Билимҥэ академиятын Сибиирдээҕи салаатын гуманитарнай чинчийиигэ уонна хотугу аҕыйах ахсааннаах омуктар кыһалҕаларын үөрэтиигэ институтун, М.К. Аммосов аатынан ХИФУ Арассыыйа хотугулуу-илинигэр олохтоох омуктар тылларын-култууларын институтун өйөбүллэринэн саха тылынан уус-уран кэпсээни уонна хоһоону айан суруйууга “Айыы арчыта” диэн күрэҕи биллэрэр.

1.2. Биир күрэхтэһээччи икки тосхолго иккиэннэригэр кыттыаҕын сөп.

1.3. Биир көрүҥҥэ биир эрэ айымньынан кыттыы көҥүллэнэр.

1.4. Сааһынан уонна айар сойуустарга, холбоһуктарга сыһыанынан ханнык даҕаны хааччах суох.

2. Cоруга

2.1. Уран сурукка, уус-уран айымньыга дьон болҕомтотун тардыы.

2.2. Дьону төрүт өйгө-санааҕа, сиэргэ-туомҥа, үгэскэ, итэҕэлгэ ытыктабыллаах буоларга туһаайыы.

2.3. Айар-суруйар дьону көҕүлээн, үрдүк уус-уран таһымнаах, үрдүк айылгылаах айымньы суруллуутун ситиһии.

2.4. Сонун хоһоонньуттары, кэпсээнньиттэри булуу, арыйыы.

3. Ирдэбилэ

3.1. Кэпсээн даҕаны, хоһоон даҕаны тус бэйэ айымньыта буолуохтаах.

3.2. Айымньы “төрүт өй-санаа”, “сиэр-туом”, “үгэс”, “итэҕэл” диэн өйдөбүллэри уус-ураннык дьүһүйэн арыйыахтаах уонна тулалыыр эйгэни, айыы өйүн-санаатын, киһилии сиэри-майгыны харыстыырга ыҥырыахтаах.

3.3. Айымньы уус-уран өттүнэн сиппит-хоппут уонна сонун ис хоһоонноох буолуохтаах.

3.4. Айымньы туһааннаах көрүҥүн олоҕурбут киэбигэр сөп түбэһиэхтээх.

3.5. Кэпсээн кээмэйэ, көмпүүтэргэ ааҕыынан, арыттары киллэрэн туран, 13 тыһыынча бэлиэттэн тахсыа суохтаах.

3.6. Хоһоон кээмэйэ, муҥутаан, 50 субурҕа буолуоҕун сөп.

3.7. Айымньы эрдэ бэчээттэммэтэх, атын күрэххэ кыттыбатах буолуохтаах.

3.8. Үлэ көмпүүтэргэ А4 кээмэйгэ 12-лээх шрибинэн 1,5 ардайдаах (интерваллаах) бэлэмнэнэр.

3.9. Сахалыы сурук үгэһин тутуһуу, ол иһигэр сахалыы бичиги туттуу булгуччулаах.

3.10. Туһааннаах ирдэбиллэргэ сөп түбэспэт үлэ көрүллүбэт.

4. Туттарыы

4.1. Айымньы эрэдээксийэҕэ электрон көрүҥүнэн туттарыллар.

4.2. Айымньыны тутуу болдьоҕо: күрэх киэҥ ситимҥэ биллэриллибит күнүттэн 2020 сыл ахсынньы ыйын 31 күнүгэр диэри.

4.4. Үлэ маннык электрон почтаҕа ыытыллар: Этот адрес электронной почты защищён от спам-ботов. У вас должен быть включен JavaScript для просмотра.

4.5. Дьаҥ-хамсык турарынан, үлэ электрон почта нөҥүө эрэ тутуллар.

5. Түмүгү таһаарыы

5.1. Дьүүллүүр сүбэ састаабын тэрийээччилэр бигэргэтэллэр.

5.2. Эрэдээксийэ киирбит үлэлэри, нүөмэрдээн, дьүүллүүр сүбэҕэ туттарар.

5.3. Эрэдээксийэ кыттааччылар дьиҥнээх ааттарын дьүүллүүр сүбэҕэ кыайыылаах айымньылар быһаарыллыбыттарын кэнниттэн биирдэ биллэрэр.

5.4. Түмүк Ийэ тыл уонна Сурук-бичик күнүгэр (2021 сыл, олунньу 13 к.) үөрүүлээхтик биллэриллэр, “Кыым” хаһыакка, “Кыым.ру” ситим таһаарыытыгар бэчээттэнэр.

5.5. Тосхоллорунан үс бастыҥҥа туоһу сурук уонна анал биһирэбил туттарыллар. Ол иһигэр “Саха тылын быһаарыылаах улахан тылдьыта” (15 туом). Ону таһынан эбии анал биһирэбиллэр олохтоноллор.

5.5. Талыллыбыт, биһирэммит хоһооннор, кэпсээннэр “Кыым” хаһыакка, “Кыым.ру” ситим таһаарыытыгар, “Күрүлгэн” сурунаалга бэчээттэниэхтэрэ.

Тарҕат:

Комментарии

МС
0 МС 20.10.2020 08:28
Суруллубута ырааппыт эрээри, ханна да бэчээттэммэтэх айымньы кыттар дуо? Махтал!
Ответить

Добавить комментарий