Никита Аржаков устубут “Тыгын Дархан” историческэй хабааннаах киинэтэ Новгород куоракка ыытыллыбыт “Вече” ХIV Бүтүн Арассыыйатааҕы историческэй киинэлэр бэстибээллэригэр 3 сүрүн бирииһи ылбыт.
Ол курдук, киинэ бэстибээл бэрэсидьиэнин, Арассыыйа норуодунай артыыһын, кинорежиссер Светлана Дружинина анал бирииһин ылбыт. Сүрүн оруолу толорооччу Ньургу Бэчигэн бэстибээл саамай бастыҥ артыыһын аатын сүкпүт. Оттон оператор Юрий Бережнев “Бастыҥ оператор” буолбут.
