Кыайыы күнэ дьоруойдуу олоҕу олорон кэлбит аҕа көлүөнэни уонна билиҥҥи көлүөнэни быстыспат гына ыкса ситимниир. Бу Улуу Кыайыы бырааһынньыга уһулуччу историческай суолталаах. Ол иһин даҕаны мэлдьи норуот саамай өрөгөйдөөх уонна күндү бырааһынньыгынан буолар.
Бу күннэргэ Өксөкүлээх Өлөксөй аатынан Норуоттар доҕордоһууларын дьиэтигэр Кыайыы 73 сылын көрсө “Улуу Кыайыы салҕааччылара” диэн ааттаах күрэх иккис төгүлүн ыытылынна. Манна үҥкүүгэ, ырыаҕа, уус-уран ааҕыыга, литературнай-музыкальнай айымньыга күөн көрүстүлэр. Оҕо уһуйуллааччылартан саҕалаан, аҕам саастаахтарга тиийэ ким баҕалаах айар талааннарын көрдөрдө.
Ол түмүгэр, “Уус уран ааҕыыга” “Наследники Великой Победы” иккис аһаҕас национальнай бэстибээл Гран-при аатын Уу тырааныспарын институтуттан Ольга Решеткова (сал. Евгения Щепарева, Диана Николаева), литературнай-музыкальнай композицияҕа 15-19 саастаах оскуола оҕолоругар 1-кы истиэпэннээх дипломунан Дьокуускай куораттааҕы национальнай гимназия 10 “в” кылааһын үөрэнээччилэрэ (сал. Надежда Никонова, Виктория Ильина), “Вокал” ырыа күрэҕэр Гран-при аатын куорат 41 №-дээх “Росинка” оҕо уһуйаанын “Фа-сольки” хуорун кэлэктиибэ (сал. Татьяна Макиевская) уонна “Сэргэлээх сулустара” вокальнай устуудьуйа (сал. Алексей Егоров), үҥкүүгэ Гран-при аатын “Ярилов день” (Ирина Егорова) нуучча үҥкүүтүн норуодунай ансаамбыла ыллылар.
