Войти

Войти

Тохсунньу 29 күнүттэн «Окно в Европу-2020» бэстибээл сүрүн бирииһин ылбыт «Хара хаар» киинэни киин куорат киинэ тыйаатырдарыгар көрөр кыахтаныахпыт. Бу туһунан режиссер Степан Баишев иһитиннэрдэ.

«Тохсунньу 29 күнүгэр Дьокуускайга киинэ сүрэхтэниитэ буолуоҕа, оттон Арассыыйа атын куораттарыгар тохсунньу 28 күнүттэн көрдөрөн саҕалыахтара», — диир режиссер. Киинэ сүрэхтэниитэ дойду уон куоратыгар, ол иһигэр Москубаҕа, Санкт-Петербурга уонна Пензаҕа олунньу 4 күнүгэр сүрэхтэниэҕэ.

"Киинэҕэ Саха сирин хотугу улуустарыгар табаар таһар Гоша диэн ааттаах дальнобойщик туһунан кэпсэнэр. Кини биир сырыытыгар арыгыны эккэ атастаһар. Массыыната алдьанан куоракка төттөрү сатыы барарга быһаарынар. Суола уһун — кини соҕотох" диэн киинэ официальнай тейлеригэр суруллар.

Санатар буоллахха, «Хара хаар» киинэ «Окно в Европу-2020» бэстибээл сүрүн бирииһин ылбыта, оттон Степан Бурнашев «Бастыҥ режиссер үлэтэ», Арассыыйа продюсердарын гильдиятын бирииһин хаһаайынынан буолбута. Esquire сурунаал «Хара хаар» киинэни 2020 сылга дойду бастыҥ киинэтинэн ааттаабыта.

Тарҕат:

Добавить комментарий