Войти

Войти

Саха сирин бырамыысалыннаһын сайдыытын кэпсиир түмэли Алдан улууһун Томмот куоратыгар арыйар былааннаахтар. Саҥа түмэл Саха АССР 100 сылын көрсө, 2022 сылга арыллыаҕа. Бу туһунан ХИФУ пресс-сулууспата иһитиннэрэр.

Саҥа түмэл кэнсиэпсийэтин оҥорууга университет Инженернэй-тэхэниичэскэй институтун үлэһиттэрэ кыттыахтара, маныаха туһааннаах сөбүлэҥи ХИФУ уонна "Саха сирин тимир суоллара" АХ түһэрсибиттэр. "Саха исрин тимир суоллара" хампаанньа генеральнай дириэктэрэ Василий Шимохин бэлиэтээбитинэн, саҥа түмэл арыллыытын Алдан улууһугар үлэлиир бырамыысалыннай тэрилтэлэрэ эмиэ биир санааннан өйөөбүттэр. "Биһиги ити тэрилтэлэри кытары бииргэ саҥа түмэл дьиэтин тутууну быһаарсыахпыт, маны таһынан түмэлгэ эспэнээттэри хомуйууну, архыып докумуоннарын булууга эҥин биир сомоҕо буолан үлэлиэхпит диэн эрэнэбин", - диир Шимохин. Маны таһынан, салгыы үлэ килбиэнин Аллеятын тутар былааннаахтар.

Тарҕат:

Добавить комментарий