Бу күннэргэ Москуба куоракка ыытыллыбыт "Кыһыл болуоссат" кинигэ бэстибээлигэр биир дойдулаахпыт, Чурапчы улууһуттан төрүттээх, кондитер идэлээх Наталья Иванова «Мин олоҕу талабын» кинигэтэ "Бастыҥ регионнааҕы таһаарыы" диэн Лауреат үрдүк аатын ылла.
Наталья Иванова бэйэтэ маннык билиһиннэрдэ:
- Бу Арассыыйатааҕы бэстибээл сылын аайы кинигэ кыһаларыгар ыытыллар. Манна кинилэр сыл устата тахсыбыт кинигэлэрин көмүскүүллэр, быыстапкаҕа туруораллар. Онно мин кинигэм Лауреат буолбутун истэн олус үөрдүм. Бэҕэһээ "Саха" НКИХ көрдөрбүттэр үһү. Дьиҥнээх сонун буоларын эрэдээктэрим бигэргэттэ.
