“БИЭБЭЙИК”
өрөспүүбүлүкэтээҕи интерактивнай cахалыы биһик ырыатын күрэһин тосхоло
Тэрийээччи: «Саха сайдам оҕото» айар холбоһук
Сүрүн партнер: "КЫЫМ" норуот хаһыыта, WWW.KYYM.RU саҥардыллыбыт саайт.
Ыытыллар сирэ: Интэриниэт ситимин нөҥүө өрөспүүбүлүкэ үрдүнэн, дьүүллүүр сүбэ Дьокуускай куоракка
Ыытыллар кэмэ:
Олунньу 1 күнүттэн кулун тутар 16 күнүгэр диэри сайаапкалары ылыы, бэлэм үлэлэри хомуйуу.
Сүрүн сыала:
Cахалыы биһик ырыатын киэҥ эйгэҕэ таһаарыы, тарҕатыы.
Соруктара:
- Ийэ оҕотугар сахалыы биһик ырыатын ыллыыр үөрүйэҕин сайыннарыы.
- Саха төрүт биһик ырыатын устуоруйатын үөрэтии, үйэтитии, тарҕатыы.
- Биһик ырыатын ахсаана, көрүҥэ элбиирин ситиһии.
- Саха тылын туттуллар эйгэтин, кэскилин кэҥэтии.
Күрэс суолтата:
- Күрэс сахалыы биһик ырыатын үйэтитиигэ, тарҕатыыга улахан олук буолуо.
- Күрэс саха тылын сайдыытыгар биир суолталаах дьайыыны оҥоруо.
- Күрэс түмүгүнэн дьиэ кэргэҥҥэ аналлаах бэлиэ тэрээһин ыытыллыа.
- Күрэскэ кыттыбыт ырыаларынан, үлэлэринэн биһик ырыаларын диискэлээх хомуурунньуга бэчээттэниэ.
Күрэс хайысхалара уонна дьүүллүүр сүбэ болҕойор өрүттэрэ (хас да хайысханан кыттар көҥүллэнэр):
-
“Биһик ырыатынан уһуллубут оҕо бастыҥ видеоклиба” (18+ кыттааччыларга) – mp4 видео формата.
1.1 Толкуйа 2.2 Устуу, таҥыы таһыма.
-
“Бастыҥ биһик ырыата” (18+ кыттааччыларга) – тиэкис уонна mp3 аудио формата.
2.1 Хоһооно 2.2.Мелодията 2.3. Айымньы уопсай дьайыыта.
-
“Саха төрүт биһик ырыатын сырдатар бастыҥ суругунан үлэ” (13+ оҕолорго уонна улахан дьоҥҥо) – wоrd A4 формата.
3.1 Саха төрүт (норуот) биһик ырыатын устуоруйата 3.2. Ааптар туһунан сырдатыы 3.3. Ырыа суолтата.
-
“Биһик ырыата буолуон сөптөөх аныгы ырыаны бастыҥ толоруу” (6+ кыргыттарга уонна ийэлэргэ, Эбэлэргэ) – инстаграм формата. (1 мүнүүтэттэн уһуна суох видео).
4.1 Ырыаны сөпкө талыы
4.2 Ырыаны ис сүрэхтэн толоруу.
4.3 Толорооччу куолаһа.
Күрэххэ киирбит үлэлэр www.kyym.ru сайтка угуллуохтара уонна куоластааһын түмүгүнэн кыайыылаахха анал бириис туттарыллыа.
Кыттааччыга ирдэбил:
- Күрэс туһатыгар хомуллар усунуоһу төлүүрэ булгуччулаах (инстаграм нөҥүө ыытыллар күрэстэн ураты).
- Оҕо кыттар түгэнигэр төрөппүтэ сөбүлэҥ суруйара ирдэнэр.
- Тэрийээччи күрэскэ кыттыбыт үлэлэри киэҥ эйгэҕэ (тв, радио, интернет, кинигэ бэчээттиир кыһалар) таһаарарыгар, тарҕатарыгар көҥүл биэрэр.
- Кыттар үлэлэргэ ирдэнэр форматтары тутуһарга кыһаллар.
- Дьүүллүүр сүбэ быһаарыытыгар ытыктабыллаахтык сыһыаннаһар.
Кыайыылаахтары наҕараадалааһын кээмэйэ (ыйыллыбыт суумма, бириис ахсаана элбиэн сөп):
- Биһик ырыатынан уһуллубут бастыҥ видеоклип: 30 тыһыынчалаах бирииһи тутуоҕа.
- Бастыҥ биһик ырыата: 20 тыһыынчалаах бирииһи тутуоҕа.
- Саха төрүт биһик ырыатын туһунан бастыҥ суругунан үлэ: 5 тыһыынчалаах икки бириис – оҕоҕо уонна улахан киһиэхэ туттарыллыа.
- Аныгы ырыаһыт биһик ырыатыгар сөптөөх ырыатын бастыҥ толоруу: 3 тыһыынчалаах икки бириис – оҕоҕо уонна улахан киһиэхэ туттарыллыа.
- Интернет ситимигэр элбэх дьон сэҥээриитин ылбыт устууларга биһирэбил бириистэр олохтонуохтара .
- Кыттыбыт дьон бары өрөспүүбүлүкэтээҕи күрэскэ кыттыыны туоһулуур сэртипикээт тутуохтара.
Сайаапкалары Этот адрес электронной почты защищён от спам-ботов. У вас должен быть включен JavaScript для просмотра. электроннай почтаҕа уонна бассаап нөҥүө +7 962 739-45-07 нүөмэргэ (салайааччы Күндэли аатыгар) кэтэһэбит.
